هنا

[بهلول الرشيد]

الك بالكلب حب يترس الكون
حب اكبر من حب اي عراقي
حب العندي لو توزعه عالناس
يكفي الناس كلها ويرجع الباقي

[بهلول الرشيد]

الساني اشكد طويل ايخورس الشيطان
ماغشني ابحياتي ولاكدرلي ابليس
بس وياك اصير احجاره وله اعيون
واخجل كالعروسه ابدخلت العريس

[بهلول الرشيد]

اذا عريس دوم امعود انت ابخير
بس من الخجل ياصاحب اتعاني
هذا انه الملوسن من اشوف اهواي
امد ايدي لهاتي وماالكه الساني

[mazinalhoseny]

أعزك واختلف حته بسلامي وياك
ما تسأل علية شلوني مالوني ....
دشيل ايدك علية وشوف ردي شلون
ماردلك سلام اشمرلك عيوني

صار سنين اسمك ع الجفن مكتوب وهسة تطورت دكيته بعيوني
معروف الوشم ينشال بالتيزاب بس يعني من اشيلك يعمن عيوني

[سجايا]

انه وياك مثل الساعه والميل

شما فرك زمانك تبقه بيه

[الحالمة]

تغص روحي بحسرتي ولا كلت مهموم
ادري بروحي تفكة الحسرة مر ودهة
تكص السان قلمي اذا مايسولف بيك
لان قصتي حزينة ولازم اسردهة
ينشدوني عنك واكلهم توة مر منا
وانت اصلا يغالي الفكرة باعدهة
على كيفك يالحمام اتعود اطير
تراهة اصكور همي غيضي العالية
تردهة واذا تمرك لحك لاتعتب على
الريح اشما يعلة النخل تمراتة يمردهة

[بهلول الرشيد]

شفتك ماگمتلي بساعة المريت
بية الصوچ وانته من الذنب خالي
خدرانات أدري من التعب رجليك
هلگد ماتروح وترجع ابالي

[بهلول الرشيد]

يوم الاسود يوم گلبي ارتبط بيك
وساعة السودة اعله دربك من فتت
متت منك يالچنت ميت عليك
يعني مرتين آنه من أجلك متت

[بهلول الرشيد]

سولفلي اعله كيفك حته اعرف البيك
وانته بكيفك احچي امنين ماتبدي
رايد كلمة منك خايب انته اشبيك
وآنه اباب حلگك گاعد امجدي

[سجايا]

توك من طحت حسيت خشنة الكاع

حقك موجنت صاعد على امتوني