اجمل مساجلاتي مع العملاق حسين الساعدي
///////////////////////////////////////////
روحي اشتهت ملكاك تسئلني وينه
صحتني من النوم روحي الحزينه
تسئلني وينه
روحي الحزينه
ااالساعدي
-----------------
يمعود ابهل ليل صبرهه روحك
يوصل السابع جار دوخنه نوحك
دوخنه نوحك
صبرهه روحك
مريم
------------------
لوما تجينيه اليوم وبهل مسيه
تسمع خبر مو زين عن المنيه
وبهل مسيه
عن االمنيه
ااالساعدي
-------------
صدكني وبهل ليل ما مني جيه
لو متت راح انكول عنك خطيه
ما مني جيه
وعنك خطيه
مريم
--------------
تدري ابطلب هالروح من تذكر الشوك
مثل اليتيم ايفوت يتشهه بالسوك
يتشها بالسوك
من يذكر الشوك
ااالساعدي
-------------------
تتشهه وانت َاشبيك للما تنوله
سر التطمه ابير بالك تكوله!!
للما تنوله
بالك تكوله
مريم
---------------------
مر بالحلم خطار خليني أشوفك
لو صعبه جيتك عاد مابيه أعوفك!
مابيه أعوفك
خليني أشوفك
ااالساعدي
-----------------------
اوصَل واجيك ابطيف حاير بعدني
لو جيتك ابهل ليل ياهو اليردني!
حاير بعدني
وياهو اليردني
مريم
--------------------------------
ماظن تفض وياك قصتي الطويله
وتأكدت من قيس جتاله ليله
قصتي الطويله
جتاله ليله
ااالساعدي
--------------------
لو بيدي يلمجنون هسه اعتنيلك
بس بالدرب شمات ومنين أجيلك
ومنين أجيلك
هسه أعتنيلك
مريم
--------------------
خلصت عمري اوياك بس بالتمني
تطعَني بالدلال وتريد أغني
بس بالتمني
وتريد اغني
ااالساعدي
-----------------------
غني ابونين الروح حلوه الأغاني
حته الدموع اتروح ويه الأماني
ويه الأماني
حلوه الأغاني
مريم
------------------
خايف تجيني اشبيك حته الكلب صاح
حسبالي وكت الموت نتبادل أرواح
حته الكلب صاح
نتبادل أرواح
ااالساعدي
---------------------
تدري ابغلاة الروح! ماتدري عنها
لأجلك تون وتنوح وانته اغله منها
ما تدري عنها
وانته اغله منها
مريم
رد مع اقتباس
