ابوذيه عن فاطمة الزهراء (ع)
-----------------------------
اعله ابوها الحزن تعبها وسلها
وصار الدمع والونــــــه وسلها
روح البــــــاب دار الله وسلها
تكلك عالكسر ظلع الزجيـــــــه
---------------------------
كوم ابن الدعي بجيشه طفلها
ودار الحره حركوهـــا طفلها
يحيدر عاين بعينـــــك طفلها
وكع وانكسر ظلع امه الزجيه
----------------------------
حياة الحزن من ماتــت نعشها
وبس الدمع ماغيـــــــره نعشها
علي وصحبه غفل شالو نعشها
بوحشة ليل دفنوها الزجيـــــــه
-----------------------------
لحن روحه بحزن دكت دفنها
اعله حيدر بالهظم والهم دفنها
لمحها وكبل ماينــــــوي دفنها
الحسن وحسين حضنتهم سويـه
رد مع اقتباس
