درر العراق

لمار البصراويه · 6/March/2015

بسم الله الرحمن الرحيم

كان ياما كان في هذا الزمان ...
جان اكو شاب اسمه احمد يحب بنيه ويموت عليهه بس بدون ما يكَلهه ..
وجان عنده صديقه المقرب حسن يسولفله كل اسراره ..
فقرر احمد يحجي الحسن عن حبه لهاي لبنيه .. مع العلم انو البنيه اتحب احمد بس بدون ما تكَله ..
يعني جانو يتبادلون المشاعر بالنظرات ..
فكال احمد لصديقه حسن : انه احب بنيه ويانه بالجامعه وانتَ شايفهه وتعرفهه واسمهه زينب ..
جاوبه حسن :اي خوش بنيه و مؤدبه واخلاق ولله يوفقك وتزوجون ..
بس حسن ما جان الصديق الوفي الي لازم يوفي لصديقه فعجبته البنيه وحاول يبعد احمد عنهه قدر الامكان فصار يطلع سوالف مو صحيحه عله صديقه..
طبعا البنيه بالبدايه ما صدكَت حسن لان بنظرهه احمد خوش ولد وهوه هذا الصحيح ..
بس الصديق المو وفي حاول وحاول حته بعدهه عن احمد وخلاهه ما تحبه وتتعلق بي ..
وبعد فتره حوال 3 اسابيع انتبهه احمد انو زينب جاي تبتعد منه وما تباوعله ..
فراح الهه وسألهه : زينب انتِ ليش كل ما اتقرب منج تبعدين ..
كَالت زينب : احمد احنه علاقته ما ترهم بعد وانه انخطبت وبعد يومين عرسي وما اريد خطيبي ايشوفك واكَف يمي ...
انصدم احمد من سمع الخبر فكَللهه : منو خطبج ..
كَالت : صديقك
هنا احمد كظته العبره بس ما بين لزينب انو هوه ظايج من هاي السالفه ..
وراح لبيت صديقه وكَله : لو رايد روحي انطيك ولو طالب كَلبي اشلعه من مكانه واخلي الك .. لك ليش حطيت عينك عله زينب وانته تدري انه احبهه واريد ازوجهه بس جنت انتظر الوقت المناسب واخطبهه بس انت استغليت هذا الوقت واخذته .. بس انه ماراح اكَلك شي غير الله يهنيكم ..
طبعا حسن هنا وكَف محتار شيسوي وشلون يرجع الوضع مثل ما جان ..
ومستحيل طبعا يرجعه ..
وبعد اسبوع المفروض عرس حسن و زينب ..
بس زينب جانت اتدكَ علي ومايرد واهله يكَولون صارله اسبوع عله هل حاله من بعد جيت صديقه وعتابه اله ..
فزينب ما نطاهه كَلبهه اتشوف حسن بهيج حاله فخابرت لاحمد وكَلتله يشوف حل للمشكله الي سواهه .. واحمد مجان يدري صديقه هيج صار بي فراحله و كَله : يا اخوي انت واغله من اخوي انه ما اقبل تسوي بروحك هيج علمودي وانه مسامحك واريد اشوفك عريس ..
فكَام حسن وحضن احمد وكَله : اعذرني انه ما وفيت وياك .. وضل يبجي
احمد كَله : امسح دموعك وكَوم حظر لعرسك وانه مسامحك يا اعز صديق ..
وصااااار عرس حسن وجان احمد اكثر واحد فرحان بعرسه .. بس هم اتذكر زينب وشلون حبهه .. ولكن حاول ينساهه لخاطر صاحبهه ..

اتمنه عجبتكم القصه ...