دِفـَع باب الهـُدى مذموم ونها == حيــاة الطاهره المازال ونها
تـُربة فاطمه مولاي ونها == دَلـّينه يبن سيد البريــّه
ــــ
دَلـّينه يبن حيدر عليهـــــــا == أمـّك فاطمه الأخفـَه عليها
تـُربتها الضـُوَه الهادي عليهــــــا == مـُشرق كل صـُباح إو كل مسيـّه
ـــ
مـُشرق نور زهرتنه علينـــه == نعـزي إبفاطمه حيدر علينه
نوالي الشافعه إو بيها علينه == محبتهــا شفاء الروح هيــّه
ــــــ
محبتها شفاء الروح طيبــــــــه == يريت أگصد وزور إتراب طيبه
أشتم من بـُعد أنسام طيبـــــــــــه == عطور إتفوح من تـُرب الزچيـّه
ــــ
عطور إتفوح ترويني وبيهــا == عطور الحجّه زهرتنه وبيها
تـُربتها الشـِفـَه بيها وبيهــــــا == تصلــّي أملاك من رب البريـّه
ـــــ
تصلــّي أملاك بالتـُربه تراها == وديعــة أحمد إو همها تراها
عليها إو تنتظر يومه تراهــا == إبنها المنتظر راعي الحميـّه
ـــــ
إبنها المنتظر يومه يسرهـــــــــا == عـُسرها إيزول واليبگـه يـُسرها
والأمـّه الوُفت يخلص يسرها == تگصـد فاطمه إو سيد البريـّه
ـــــ
يگصد فاطمه المهدي إمامي == أمشــي إوياه والقايم أمامي
شيعي إو جعفري آني إو إمامــي == فرض حـُب فاطمه إو واجب عليه
رد مع اقتباس
