يدَوخ الفيس كله ياهوانه
وياهو انته حبيبي وياهو أنه
امعطر واليشمه يا هوانه
ايتذكر قيس ويه العامريه
مريم
..............................
هوينه الورد أحنه من هوانه
واريج اوراقه فاحت من هوانه
يمريم ياهي انتي! ومنهو أنه
مابين الورد ضعنه سويه
ااالساعدي
..............................
إذا مرساال من يمك وردنه
يعطرنه ابوفه منك وردنه
يحسين اشتمنينه وردنه
مثل باقة ورد نلتم سويه
مريم
...........................
اشتبهت ابهل أمر مدري ورد! تين
واجيتك جيتين اني وردتين
أشكره السوه وجناتك ورتين
طعم تين وعطر نفحك عليه
ااالساعدي
................................
يفاركني الزمن منك وردلك
وأجيك البابك بأيدي ورد لك
دكلي يا زعل مني وردلك
الورد يشهدلي وبهاي القضيه
مريم
................................
حديقة روحنه خَضَر وردهه
وغير النده ما قطره وردهه
تجيني الكلمه للساني وردهه
وأكتبك عالورد حرفين اليه
ااالساعدي
................................
عدنه اورود متعطره وعدنه
وعد وبنصها متثبت وعدنه
نروح ابعيد من عدها وعدنه
حديقة شوكنا وبكل مسيه
مريم
رد مع اقتباس
المشاركة الأصلية كتبت بواسطة اريج البغدادي
