يلا شدوا أحزامكم يا مسلمين
صار راتبنه يجي بالأربعين
جنت أقسم راتبي ثلاثين يوم
شي غذائية وإيجار وشي هدوم
وشي طبيب وفاتحة والباقي صوم
يعني ترضه خمس أشهر صايمين!
هو راتب شو يجي بالبهذلة
شلون متوزعة صعوبة المسألة
كل لأبو الأيجار يرضة أنأجله
شلون أبو السلفة أكله أحسبها دين
أبو الأنترنيت يصبرلي قليل
لذاك أبو الأقساط ماظل بيه حيل
وي حكومتنه صدك ضاع السبيل
شلون مقياس الشهر صار أربعين
العروسة بعد لا تطلب مهر
خله ترضه بمحبس و دمعة قهر
ما يجيها الراتب براس الشهر
وتظل عشر أيام تقضيها بونين
أخذوا نص راتبنه وأنطونه الأمان
كون نوكف سوى في وقت الأذان
كصوا من الراتب أنطوا البرلمان
نريد نشعر أحنه فعلا عايشين
ماكو داعي نسوي للميت ثواب
والفلافل عافية ليش الكباب
نصوم من كانون نفطر شهر آب
حتى أبن البرلمان يعيش زين
يلا شدوا أحزامكم يا مسلمين
صار راتبنه يجي بالأربعين
رد مع اقتباس
المشاركة الأصلية كتبت بواسطة ملكة بغداد
