هنا

[مريم الحبيبه]

حسين الساعدي -هايه قصتنه
.،،،،،،،،،،،،،،،،،،،،،،،،� �،

هايه قصتنه يمريم!

صارت ابصدفه عجيبه
وبالاوهام
وبالخيالات
الغريبه!
وبالفعل احنه التقينه
وانتي صرتيلي الحبيبه
وابتدت قصة هوانا
شاعر وعاشك طبيبه!
هايه
قصتنه
يمريم!
والسنين اشكثر مليانه ليالي
وماغفت بيها العيون
امساهرين اويه الاماني
وجان يجمعنا الجنون!
مره
احسبج مثل بنتي!
ومره
اشوفج جنج امي
ومره
اشوفنج بعيده
ومره
أحسَنج ابدمي!
يا طفلتي البعمر كلش صغيره
ياعنيده وبالصبر جنج جبيره!!
انتي اول وحده احبها
ومن معزتها أكللها حقيره!
يا حقيره
الصارت ابكلبي أميره!
هاكثر نتشاقه جنه
وهاكثر فاركنه اهلنه
والسوالف ما أسولفها ابقصيده
خلها بالساني أسيره!
خاف المخالف ضميره
يكطع أغصان المحبه
والعشك فاح ابعبيره!
يا حق----
واليالي الجنه نسهرها سويه
لو انام انه اعله ايدج
لو تنامين اعله اديه!
هايه
قصتنه
يمريم
احنه احله اثنين جنه وشاهد اعلينه الكمر
احنه من جنه نسولف بالشعر نكطع مهر
احنه من جنه انتساجل كلها تكعد تنتظر
واحنه نعرف بالعواذل هاكثر تشبع قهر!!!
احنه عجبنه المنصه والشعر واهل الشعر
وصدك صارت ذكريات!
والجنون البينه مات!!
وصدك باجر يوم عرسج
غيري بأحضانج يبات
لا هله ابهاي الحياة!!!
وأنه
أول شايب اتحبه البنات!
وبالشعر راسم عرس
اتزاودن كلهن عليه
لان وياي الشمس
وانتي
يا عشتار بابل
من تكتبين ونغازل
ابسرعه نتحول بلابل
تصفن الدنيا علينه
وتسكت اصوات القنابل
جبنه قيس
وجبنه ليله
ابهايه قصتنه الجميله
وجانت الممكن بدينه
وهسه صارت مستحيله!
هايه
قصتنه يمريم!
واشكثر تدريني اجامل
واعرف الغيره ابجنونج
حُب الاستطلاع عندي
زارع الدمعه إبعِيونج!
واحنه
ياما
اتزاعلينه
بالدرب هذا الطويل
والزعل
يبعد
علينه
ونرجع العشنه الجميل!

احنه
عشرتنه عمر جنها دقيقه
احنه
يمكن بالحلم ماكو حقيقه!
احنه حبنه
يبقه مسجون ابكلبنه
واهلج الرسموا دربنه
وكل محب يمشي ابطريقه!

ياحبيبه
الغازَلت بيها الضفيره
بالقصيده
ودوخت كل العشيره!
جنه نحلم
نضحك لاجمل روايه
وبس نسولف بالبدايه
ولو يمر طاري النهايه
بالدمع حيل انتألم!
هايه
قصتنه
يمريم

ياغريبه
اعيوني مشتاكه الرسمها
كلشي تعرف عني هيه
واني بس اعرف اسمها!

وانه
بظنوني الخطيه
الظلت اتودي وتجيب

منتظر من عدها كلمه
اهلي يردون الطبيب!

وما الك قسمه حبيبي
وكلشي بالقسمه ونصيب!

ويمكن
ايموت
الغرام
ولا سلام ولا كلام!
وحتى
كلمات
المحبه
اتصير بالدنيا حرام!!

هايه قصتنه يمريم

[sawsanmahmoud]

شعر جميل
شكرا لك

[مريم الحبيبه]

شعر جميل
شكرا لك

شكرا لمرورج الجميل اختي سوسن

[مريم الحبيبه]

شكرااا لك

كل الشكر الك ولمرورك الرائع اخي حيدر

[ارجع يازمان]

قصه مؤلمه!

[ارجع يازمان]

كانت حقيقه
في زمن افتقد للمشاعر الصادقه,,
كأنها حلم وكانت النظرات ناطقه,,
مريم,,,
وما أدراك ما مريم,
امرأة اختلفت عن كل النساء
في زمان الغدر كانت,, هي عنوان الوفاء,,
نقية ك نقاء السماء
مريم
فراقها داء,, لا يستجيب لكل دواء,,
جاريتها بعفوية طفولتها
ف كانت
أصدق وأطهر وأنقى الأطفال الابرياء,
كانت اجمل وردة في عيون البساتين
عندما تفتحت وردتي,, وأصبحت تسر الناظرين,,
تحكموا بأمرها
وجعلوا الفراق,,, الذي لا يقبل اللقاء,,
لقد قتلوا تلك الصدفة الجميله.
وقرروا
ان
نبقى
غرباء,,,,