قصة رسوبي بالاسلامية
السلام عليكم
كيف حالكم درر
اليوم تذكرت قصة رسوبي بمادة التربية الاسلامية وحبيت اطرحها عليكم
هل انا كافرة لارسب بها -_-
المهم هاي السالفة صارت بالسادس ابتدائي بأمتحانات البكلوريا
لما رحت للمدرسة حتى استلم شهادتي واذا انا اتفاجأ بنجاحي بجميع المواد وبدرجات عالية ما عدا الاسلامية عليها خط احمر
احتاريت شسوي ارجع للبيت واستلم الاهانات لو اطلع من المدرسة واهج ومااراوي وجهي لعائلتي ابد
بس المشكلة وين اهج للصومال مثلا خخخخخ
ع العموم وبعد مابجيت وظليت خايفة فجأة سمعت صوت اختي دتكعدني من النوم الصبح اني فرحت لان هذا طلع حلم وبنفس الوقت
اني خايفة كلش لاهذا الحلم يتحقق شكرت ربي ودعيت ان شاء الله ميصير هذا الشي
ومازلت بحالة رعب وخوف بس موهناالمصيبة
المصيبة هي
.
.
.
.
.
.
.
.
.
.
.
اني تذكرت ان شهادة السادس اني مستلمتها قبل اسبوع
وطالعة الثالثة ع المدرسة لا وفوكاها ماخذة درجة 93 بالاسلامية
وبهاي اللحظة ظليت اضحك ع نفسي بشكل موطبيعي خخخخخ
حتى اختي تكولي شبيج تضحكين لوحدج لازم اكو جني براسج هع
اسفة ع الاطالة اتمنى تعجبكم قصتي المرعبة ^-^
تحياتي
رد مع اقتباس
المشاركة الأصلية كتبت بواسطة ابابيل
