السلام عليكم
اخوتي واخواتي :
من كثر الحجي الي سمعته عن اربيل من تطور في العمران والمولات وووووو
قررت الذهاب ورؤية ذلك بنفسي ورحت " وياريت مارحت "
طلعنا من الموصل ساعة 8 الصبح علما ان الطريق بين الموصل واربيل ليس طويلا
جينا السيطرة دنسوي الاقامة بال 11 الا ربع يالله خلصنا ليش يابا هلكد وقتنا رخيص زين ها ومستفادين اخوتنا الاكراد مننا ؟! المهم جينا عالتفتيش اول مافتت بعد بسم الله المفتشة دتحجي على اهل الموصل : شكد معقدين ميخلونا نفتشهم وشايفين روحهم " كتلها يمعودة هالله هالله بينا شدعوة متخذة وضعية الهجوم ؟
المهم فتنا اربيل والله يااخوتي ماشفت بيها هذاك الشي الي جنت متوقعته شوية نافورات وبعض البنايات والمولات ذات اسعار البضائع الخيالية متستحق اضيع 3 او 4 ساعات بالسيطرة على مودها
تخيلو 3 ازراج جوارب للاطفال ب 17 دولار لا وبيهم نايلون هم ! وجنطة نسائية ب 259 دولار !
اعذروني اخوتي واخواتي بس هذ اسمة استغلال واعتقد الي ديشتري منهم مخدوع بما يسمى "بالماركات "
واخيرا لبس النسوان الي هناك والله شي الشفتة بشع جدا وللاسف انه اصبح مفهوم الحجاب لديهم بهذا الشكل "الستريج والاشار " يااختي اما ان تنزعي الاشار او تلبسي اللباس المحترم معه فانكي تشوهين الحجاب
وصلى اللهم وسلم على سيدنا محمد وعلى اله وصحبه وسلم
رد مع اقتباس
