هنا

[بهلول الرشيد]

ابو ذيه توليد


ينار احركي البصدري ولمعاد
وعزيزج طول الغيبه ولمعاد
لافكر حزن بعده ولمعاد
ولاجور الليالي المر عليه
_____________________________
اجرعت جور الليالي بقهر ولم
وعذولي شاف حالي وبجه ولم
رحيل العمر والحداي والم
نوو للشيل مدري ليانويه
____________________________
نوو للشيل لرضي الغري ولحاد
وخل حزنك طويل الامد ولحاد
حجز بيني وبينه سور ولحاد
دوارس ومن اصيح ابعد عليه
__________________________
دوارس ومن اصيح ابعدت عناي
التواسد بالكبر مانشد عناي
يروحي من الطم والبجي عناي
البجي ودر اعيوني وعمل بيه
___________________________
البجي ودر اعيوني وطحت وعميت
ولاشوف الضعون اصيح وعميت
عود افتل حبل نفاش وعمت
يتكطع والوصل يصعب عليه
للشاعر المرحوم ابراهيم عفريت
عندما توفي ولده ونقلا عنه عندما كلمني وبدأت بتدوين ابياته الشعريه
كتبت بتاريخ7/2/2012

[علي الاسدي]

ررررررائع اخي ابو زهراء الغالي

[بهلول الرشيد]

تسلم حبيبي انت علي
شكرا للمرور الجميل

[بهلول الرشيد]

من يجبل رسول الترف حيه
اكضي الليل ساهر اله حيه
عسى اللامني مكروص حيه
سليله ولاتعرف الماي هيه

[بهلول الرشيد]

هله ابزولك حبيبي مني يانه
ومعاشرتك يصاحب مني انه
شتظن تطلع خيانه مني انه
ورع شايب محبتك ذيج هيه