هنا

[Legend of fall]

شلونكم ...


في الغربة ..لما تضيق الدنيا بعين الانسان ...الحلول تكون عديدة . او معدودة ...ولكن بكل الاحوال اول السبل هو اللجوء الى الله سبحانه وتعالى والاكثار من الدعاء والاستغفار ...ايضا الاتصال مع الاهل والاصدقاء ...وهناك طريق آخر ..هو التواجد في واحد من اكبر المولات في استونيا ...حيث يتواجد يوميا عدد من العراقيين القادمين من فنلندا او السويد من اجل التسوق (لأن هنا ارخص) ..فأذهب هناك فقط من اجل الاستماع الى اللهجة العراقية بدون الكلام او التواصل مع احد , لأن اغلب القادمين مع الاهل او الاصدقاء ...( مو بحال ليجند) ..

اليوم ...كان ( ركض بركض) , والمزاج (مو) تمام ...ذهبت الى المول ...في الطريق جائني اتصال هاتفي من ( واحد شارد منه) ...وتغيرت وجهتي بصورة لا ارادية ...فوجدت نفسي قريب على مطعم مصري ...يبيع فلافل ....و فول وكلشي وكلاشي ...فقررت ان اعزم نفسي ...واعتذرت من نفسي لأن مااكدر ...فألحيت على نفسي ان اعزم نفسي ...واستحيت من نفسي وقبلت ...دخلت المطعم ...والصراحة ...الفلافل بالمايونيز ...مثل الكنافة بالخل ...على كل حال ...دااكل واتصفح نت بنفس الوقت ..فجأه انفتح باب المطعم ...واذا بخمس نساء يدخلن سوى للمطعم ...لم اعر اهتمام للموضوع ..دايخ بالفلافل والظيم مالتي ...لكن اللي جذب انتباهي عبارة ( عوووع ...يلعب النفس ) ...الصراحة انصدمت ...قدح ( يعني كلاص) الماء ..( يعني الماء هههه ) ....فلت من ايدي ...انكسر والكزاز اتطشر بالكاع وابو المطعم بدة ( يدردم) ....وحدة من الحجيات كالت انت عراقي ؟؟؟ كلتلهة اييي !!! عايش هنا ؟؟؟ كلتلهة اييييي !!! ...واذا بالمرأة انفجرت من البكاء ...وبدت تتكلم بلهجة مصلاوية ....الله ينقتم من اللي كان السبب ...العراقيين اتطشروا ...هذا اللي افتهمتة لأن كلامهة كله ( غ) ...ودارت المحادثة التالية بيننا ...

وحدة من الحجيات : انتة منين من العراق ..
انا : الكوت ...
حجية ثانية : ..الكوت وين صايرة !؟
اني : والله ....تعرفين واسط ؟ قرب ....
الحجية : اي اي ...على راسي خالة انتة واهل واسط وكل العراقيين ...
اني : يسلم راسج يمة ...
اني : انتي منين ؟؟ وبقية الحجيات ؟
الحجية : احنة اربعة خوات طبيبات من الموصل هربنا للسويد من اجة داعش ...وهاي الخامسة صديقتي بغدادية اجت زيارة من كندا ...
اني : يااهلا وسهلا بيكم ...وغداكم على حسابي ...
الحجية : اصيل خالة ...هاي العراقيين ...
اني : لسان حالي ..خرب ...سووهة صدك ...

كنت على وشك المغادرة ...كلتلهم مامحتاجين شئ ؟ كالوا احنة باقين هنا ليلة وحدة وباجر راجعين للسويد ...تركت رقم تلفوني في حال يحتاجون شئ ...
الصراحة كنت متأثر جدا ..هالكفاءات العلمية والشخصيات الراقية متبهذلة بالغربة وبصفة لجوء في وقت المفروض ينعمون بخيرات البلد اللي همة عايشين بيه ...حتى احدى النساء بكت بحرقة وقالت ...خالة ليش هيج ديصير بينة ...الصراحة بقيت بدون جواب ....كلتلهة خالة شمدريني قابل اني العبادي ....ازمة وتخلص ان شاءالله .....


الموضوع انتهى ...بالهزل والجد اللي يحملة ...ولكن بقى في بالي سؤال واحد ..ولحد الان موجود اببالي ؟؟

همة من الموصل واني من الكوت ....همة بالسويد واني باستونيا ...هم مسيحين واني مسلم ...واول مرة نلتقي ...ولقاء كان كانه ام تشوف ابنهة لأول مرة ...والحنية العراقية اللي محد حاملهة على الكوكب واني واثق من كلامي ...ليش ميصير نفس الشئ بالعراق ؟؟ وكل يوم ؟؟

الله اعلم ...!

انتهى ..

[رجل كل العصور]

الغربه والوحده تهذب سلوكيات الناس,,, والعيش فى مجتمع هادىء ويحكمه القانون
سوف يجعل الناس يتكلمون بروح انسانيه شامله...
الاخلاق والاسلوب هى من تحكم تصرفات الناس وليس انتمائاتهم الدينيه او العرقيه او القوميه


شكرا لك
ذكرتنى بالغربه

[qas!m]

خلي احجيلك بالعراقي .. صديقي
وابدي من من كلاص الماي اللي وكع ...
احنا البشر ........ هم كلاصات ..
يعني المفروض نكون شفافين ... المفروض
بس
... مو كل الكلاصات .. تنملي ماي ...
من نبتعد او ننشغل عن اكوام الملوثات اللي داير مدايرنا ...
ومن نوكع وننكسر ... ونطشر ...
نتذكر انه احنا شفافين ... او .......... كنا شفافين
...........................

[د. حسن سعيد]

فعلاً مثل ما قال (رجل كل العصور) أخلاق الانسان هي التي تحكمه ، اضافةً الى أنّ الانسان حينما يعيش في مجتمعٍ يحكمه القانون وروح الانسانية سيتصرف بشكل فطري طبيعي بدون الأمور اعنصرية ، أمّا هنا في العراق فسبب الانقسام بين أبناء الشعب هو تأثير الأحزاب التي تسعى الى تحقيق مصالحها السياسية فتلجأ الى تدمير الشعب بهذه الوسائل الرخيصة .

[ليديا]

تساؤل في محله اخي ليجند

ربما نحن لما نخرج نصير بشكل اخر ددربما نحتاج الى التجديد لنكون بالداخل كما بالخارج

تجديد سلوكاتنا و طرق التعبير عن مشاعرنا


قصة مؤثرة للغاية

ربي يعوض عليك ثمن الغداء ويكتبه في ميزان حسناتك اكيد رفعت معنويات البنات

[Legend of fall]

الغربه والوحده تهذب سلوكيات الناس,,, والعيش فى مجتمع هادىء ويحكمه القانون
سوف يجعل الناس يتكلمون بروح انسانيه شامله...
الاخلاق والاسلوب هى من تحكم تصرفات الناس وليس انتمائاتهم الدينيه او العرقيه او القوميه


شكرا لك
ذكرتنى بالغربه

ايضا توجد لدينا عوامل في العراق غير موجودة في بقية البلدان ومجتمعاتها , وهذه العوامل قد تساعد بالايجاب من اجل اعادة ما فقدناه من زمن طويل ..الموضوع لا يحتاج اكثر من ان نحب انفسنا من اجل امكانية مشاركة هذا الحب مع الاخرين ....

مسرور لتواجدك استاذي ..

[Legend of fall]

خلي احجيلك بالعراقي .. صديقي
وابدي من من كلاص الماي اللي وكع ...
احنا البشر ........ هم كلاصات ..
يعني المفروض نكون شفافين ... المفروض
بس
... مو كل الكلاصات .. تنملي ماي ...
من نبتعد او ننشغل عن اكوام الملوثات اللي داير مدايرنا ...
ومن نوكع وننكسر ... ونطشر ...
نتذكر انه احنا شفافين ... او .......... كنا شفافين
...........................

والله ياصديقي لا فائدة من التذكر بعد فوات الاوان ...هنا في استونيا مقولة ...افضل وجبة استونية هو الاستوني نفسه ...وهي اشارة للغيبة وعدم المحبة ...وانا ارى هذه مقولة كونية تشمل على الاقل مجتمعنا ..

ويا مكثر الكلاصات

[Legend of fall]

فعلاً مثل ما قال (رجل كل العصور) أخلاق الانسان هي التي تحكمه ، اضافةً الى أنّ الانسان حينما يعيش في مجتمعٍ يحكمه القانون وروح الانسانية سيتصرف بشكل فطري طبيعي بدون الأمور اعنصرية ، أمّا هنا في العراق فسبب الانقسام بين أبناء الشعب هو تأثير الأحزاب التي تسعى الى تحقيق مصالحها السياسية فتلجأ الى تدمير الشعب بهذه الوسائل الرخيصة .

قد تراني ابالغ في كلامي او قد تقول ( مخبل ) ...ولكن الروح الانسانية الموجودة في العراق اكثر مما هي موجودة في استونيا او المانيا او ماشابه ...اغلبهم يعتني بالحيوانات لأنه فاقد روح الأسرة ...الشخص قد يموت في بيته لمدة شهر قبل ان يكتشفوا الجيران موته ...الروح الانسانية نأخذها من اعلى القيم والامثلة وليس ادناها ..وبالنسبة لي اعلى الامثلة هي المسير الى كربلاء ..حيث ترى الشرح الحقيقي لقوله تعالى ( انما المؤمنون اخوة) ...قد تذهب الاخوة بعد المناسبة ...وتعود الحياة الى قساوتها ...ولكن الايجابي في الموضوع ...اننا فعلا مشروع ( اخوة) وقساوة الحياة اعطت درسها بالسلب على حياتنا وليس بالمستحيل ان تحول بالايجاب ..لا بل تحولت بالايجاب ...والحشد الشعبي وشهادة ابن العمارة في تكريت اكبر مثال ...ولكن اتمنى ان نثتبت اخوتنا بحياتنا وليس بموتنا ....وهو ممكن

نورت صديقي

[Legend of fall]

تساؤل في محله اخي ليجند

ربما نحن لما نخرج نصير بشكل اخر ددربما نحتاج الى التجديد لنكون بالداخل كما بالخارج

تجديد سلوكاتنا و طرق التعبير عن مشاعرنا


قصة مؤثرة للغاية

ربي يعوض عليك ثمن الغداء ويكتبه في ميزان حسناتك اكيد رفعت معنويات البنات

الغربة تجربة قاسية ..حالها حال بقية تجارب الحياة ...لا اؤمن بتجربة تغير الشخص ..وانما تفجر كل شئ حقيقي داخل الانسان من اجل ان يكون هو ..لا النسخة التي يريدها الغير ان يكون عليها ...

تحياتي

[ابابيل]

ههههه بالنسبة للغده يعني لكل عمل انساني ثمن ماكو شي بلاش وهذا شي بسيط واذا اجيت يمك هم تخسرلي غده بالمطعم لو بس المتضررين او بس اصحاب الشهادة قصة جميلة تحياتي لك