هنا

[علي كريم سلمان]

....................المسيحيه..............

چنت غلطان حبيتچ
وعلگت الاحلام البيض
ذمه بعرش ترچيتچ
يالغرني چلماتچ..
ورحت حايوف للفردوس ابوگ وابني شخصيتچ
عفت ملة ابوي وجدي وختاريت ملتكم
وحچي الهور المفصل عله الساني.. بدلته بسوالفكم
چنت جامع تلوذ الوادم ابختي… شني الخلاني تالي اليل.. اطيح بحب كنيستكم
شني الخلاني اكسر واهس السمره
الچانت عالسطح تشمر رسائلها وتگلي اقره
شني الخلاني اعوفنها وادورنچ.. رغم مابيچ اي نيشان للعشره
بنت اولايتي النطرت هواي سنين
چنت احرگ رسائلها بصلافة عين
حته منالبرد تدفين
اذا نشدتني باچر وين صاحبتك.. شرد اعليها ما أدري??
وجرحچ اول اطلابه بصدر ديوان سالفتي
معالم قصتچ بگصتي
قروها الوادم من بعيد.. ودروچ من الله ماخفتي
چنت احلفلچ بعباس.. وتحلفيلي بالأنجيل
محد يغدر الثاني.. وعليه ايعيل
شني الخلاچ تتبرين من دينچ
وتخونين انجيلچ
ومسيحچ ينصلب بيدچ
يالحبچ دغش كله
مثل ذاك اليصلي وضهره للقبله
النفاق بلبة اعيونه انطبع كله
عين اتغازل الشيطان.. وعين ادمع لــ الله
اه يافشلة الفشله
شفت الساني المعدل.. تشيعه احچاية الذله
والسميتها ام بيتي.. سمت روحها ام رغبه
وطلعت بيه تتسله
والعنگود عيرني.. الچنت امواعده من سنين.. انومنه بحظن سله

علي العايدي 2015

[ضياءكاظم]

جميييييل ورائع

[علي الشمري]

عاشت الايادي
حلووووووو
تقييمي +
جرحچ اول اطلابه بصدر ديوان سالفتي
معالم قصتچ بگصتي
قروها الوادم من بعيد.. ودروچ من الله ماخفتي
چنت احلفلچ بعباس.. وتحلفيلي بالأنجيل
محد يغدر الثاني.. وعليه ايعيل
شني الخلاچ تتبرين من دينچ
وتخونين انجيلچ
ومسيحچ ينصلب بيدچ

[السيد مرتضى]

جميييييل ورائع