أخر ليله!
حسين الساعدي
::::::::

وشتنتظر!
هذا الجرح شد حيله
كاضي العمر
يمكنها اخر ليله!
لازم ترد الروح
ويه المنيه اتروح
شابع قهر
والفاركك ياويله!
وشتنتظر!!
هذا الجرح شد حيله

:::::::::::::::::::::::::::::

يادمعتي
الماترضه تبقه ابعيني
وياصفنتي
الضيعت كل اسنيني!
وين الوعد
مابينك وما بيني!!
ضاع الدرب
هلبت تجي ادليني!

مسكينه هاي العين
ما نامت إمن اسنين
شبعت سهر
والغيبه هاي إطويله!
وشتنتظر!
هذا الجرح شد حيله!
،
::::::::::::::::::::::::::::
،
ياقسمتي
الصارت عَلي مكتوبه!
ويا بلوتي
الخلتني اصيح اتوبه
ويا فرحتي
الماظن تعود انوبه!
ويا حيرتي
ابهذا الوعد ودروبه!

كَسرك يهد الحال
والكلمه ما تنكال!
والينكسر
لازم تجي اتوجيله!
وشتنتظر!
هذا الجرح شد حيله
ااالساعدي