قصيده لتاريخ وحضارة العراق
اسأل التاريخ وابحث بالتراث...راح تلـكه بلادي هو رمز القدم
من كبل ميلاد سيدنا المسيح...دولـة اني وللمجد ارفع علم
وأني اول من عرف معنى الحياة...وأني اول من كتب او من رسم
روح دور بالمتاحف ياغشيم...راح تلـكه أثار أطنان ورقم
رقم تثبت أني صادق بالكلام...وأني أول من عرف جرت القلم
وللعدل أني أساس بلا منازع...وحمورابي الكتب دستور ونظم
وأني أول من صنع سيف ورماح...وسيفي صال على الاعادي وما انثلم
يعني عمري اليوم ألاف السنين...وهذا ثابت هو حقيقة ومو وهم
دور التاريخ اذا عنك شكوك...وشوف تاريخي شكثر يحمل قييم
أني بابل أني سومر أني أور...ومن علومي تعلمت كل ألامم
بيه عاشو أولياء وأنبياء...وبيه عاشو وأبدعوا أهل العلم
وأني أول من شمل علـمه السماء...وأني أول من عرف وأحصى النجم
بيه كم شاعـر تربى وكم أديب...أني أبو اللـي سمع شعره ألاصم
لحد يزاود علي أني العراق...وليزاود والله بس يجني الندم
عربي أني وأفتخر بيهه هويتي...ورغم عن خشم الاعاجم والعجم
واليكول خلاف ذلك مو فهيم...وعيب يكعد في مضايف وي زلم
الله شرفنا عرب نبقى ونموت...ومنجم الطيبات أبقى وللكرم
ومنجم الطيبات أبقى وللكرم
رد مع اقتباس
