ما متعلم أحقد حتى أشيل اعليك
بقلبي وكون تفهم ياوطن قصدي
المودعته أمه يدافع لعيناك
ليش ترجعة جثه وحلمه لك وردي
انسافر كون نكدر بس يردنه الشوك
لكاعك يا علي و للهور والبردي
اهناك أشتم هواهم بس أحس مخنوك
وبدخانك أصفه وكلشي ماعندي
وخيرك شو لغيرك ناسك يعانون
ليش تخلي حرمه بكاعك تجدي
كل للموت يمته يهدنه خل نرتاح
أشو كضاها بينه يخلص و يبدي
أنقشمر روحنه بجذبات مال صغار
تعدي .. و هسه تقضي .. وأنت متعدي
اليطب ابروحنه يشوف الورد مبلول
برغم كلنه خضار .. ماي متبدي
وإذا تسألني أحبك ياوطن عباس
يلجارحني جرحك شايله بصدري
يلتموت شبابك راضي أموتن بيك
شامرها اعلى طيبه وكلشي ما أدري
راح أتراضه وأدري بروحي ما زعلان
أبوسك وأنت رجع بوستي بخدي
رد مع اقتباس
المشاركة الأصلية كتبت بواسطة الزركاني313
