أشوفك ياوطن عريس أبن عشرين
ماجنك طحت والطيحة كتاله ..
عيني الباردة يكصولة صورة الناس
و يوسف يوم شافة جفوف كصالة ..
أرجع يا أبرها محضريلك السجيل
تعال بشي جديد تولي الفياله ..
شباب أحنه نعم بس من نسل شعلان
و يعرفون الأسد شمدرس أشباله ..
لبسنة اعلى الموديل وبالشكل حلوين
بس وكت الحرب كل أحنه خيالة ..
أبنيتك ياوطن كطع شعرها الموت
كافي من الطلق جيبلها شكالة ..
ابشيلة كل عجوز مطرزة العشرين
ابطرف شيب الظفيرة معلكة الفالة ..
كفر سقف الفقير نعبره بطابوك
خنسقفة بخبز خل تشبع أعيالة ..
نام اعلى الرصيف الواكف بجبهات
والشال الوطن موطنة ما شالة ..
طلب عدنه الرصيف تبلطوا بقماش
خاطر لا يجرح وجنت أطفالة ..
رد مع اقتباس
المشاركة الأصلية كتبت بواسطة لول
