في بلادي قد تمادى الموت حدَّاً
جزع الشِيَّاب فاستهوى الطفولة "
في بلادي مَلَكُ الموتِ استـقـــالَ !
اخــــذَ الانسانُ ادوارَ البطولــة "
احنا مو شعب العراق
لازم يغيرون اسمنه
احنا شعب بلا حضارة ..
.. دمروها .
كان يا ماكن صاير ..!
والعلم مايبقى هيجي
الدماء الطاهرة السالت يجب نرفعها راية ..
الله اكبر ..
.. على كلمن تاجر بدم المناحر "
من سياسي من مواطن حتى شاعر !
لازم نغير فكرنا
الموت واقع حال اصبح
والمدن كلمن لهُ
خرسة صيحات الضماير !
لازم نغير المناهج ..
ما نخلي ال( دار والدور ) بكتبنا ..
لازم نراعي المشاعر ..!
نازحين .. لاجئين ..
والبقايا تموت كل يوم بسواتر !
والي عايش ماتت بوجهة الحياة
كاعد وناطر مصيرة ..
يموت هسه ? يموت باچر ?
المهم هذا قدرنا ..
والقدر ضيف وگصدنا
نفزع باهلاً وسهلاً ..
هيچي احنا اتعلَّمينه ..
احنا شعب الموت ربتنا المگابر !
مسودة بقلمي : مصطفى نوري الطاهر
٢٨/٢/٢٠١٥
رد مع اقتباس
المشاركة الأصلية كتبت بواسطة محمد ألعبادي
