مساجلتي مع العملاق حسين الساعدي
فاركتك ابيومين
...،،،،،،،،،،،،،،،،،،،،،،، ،،،،،،،،،،،..،،..
فاركتك ابيومين هذا الله شاهد
ودموعي عالخدين وبروحي اجاهد
اشطايح بدينه!
وبلوه ابتلينه
مريم
----------------------------
يامريم الدمعات عازتهه عازه
ولوما تصب ادموم تبجي الكزازه!
هيج ابدينا
وتشاركينه
ااالساعدي
--------------------------
ليش الدموع اتضيع بمفارك اعزاز
ياهو اليبيع ادموع للدمعه محتاز
محبوبي وينه
غايب علينه
مريم
--------------------------------
مثلك تراني ابهاي سموني مجنون
ومن خلصن الدمعات صبيت العيون!
لمن هوينه
هاكد بجينه!
ااالساعدي
-------------------------------
موبيدي هنه ابساع كتن عليه
ودموعي متفقات نزلن سويه
كد ما وفينه
صبن علينه
مريم
--------------------------
ودمعاتك البلعين ما قسمتهن!!
ليش ابضرف يومين شو خلصتهن
دمعه الحزينه
كلش ثمينه!
ااالساعدي
----------------------------
ومنين أجيب ادموع وبهل مصيبه
ضاع الدمع يحسين ومنين أجيبه
واليدري بينه
يعتب علينه!
مريم
-----------------------------
حالك يغالي ايهون حال الأذيه
بمناشف الدمعات تعبانه اديه
كلبي ابونينه
رادك تجينه
ااالساعدي
----------------------------
فاركتك ابيومين لو تدري بيه
مرن عَلي ساعات جنها المنيه
وكلش حزينه
روحي الحنينه
مريم
-----------------------------
كاضيها بلصفنات وأكتب قصائد
وبغيبتك يدرون كل السواعد!!
وين الله وينه
ايردك علينه
ااالساعدي
رد مع اقتباس
المشاركة الأصلية كتبت بواسطة *ضيَاء ألصَــــــافي*
