لتحضرون.... صدگوني العراق وشعبة ميزعلون
خاف تصير زحمة ونتو صرتو أكبار وبداء الملوك اعماركم تنهون
شننهو الفائدة ياقمة العربان چم جلسة حضرتو اثنائها تشخرون
مجموعة كروش وعالكراسي تنام ما عدكم علم شيدور حول الكون
بلا معنى قممكم وين ما انعقدت بس چذب ونفاق وباللحى تبوسون
بتأريخ القمم ما شفنة منكم خير تجتمعون يوم وقرن تختلفون
لتحضرون....
وخل نفرض حضرتو وصارت الجلسات شنو نوع القرار الراح تتبنون
وما ادري الدعاكم شنهو غاياتة وكل هاي الخسائر وصلت البليون
لتحضرون.....
بغداد الحزينه اعتكفت من ازمان حتى ما تجون وبيها تتشمتون
واصل خيركم من الفين وثلاثة بهائمكم بدت لحدودنا ايعبرون
لامنكم شروط نريد لا تنسيق بس اچفونة شركم ياعرب تكفون
تتذكرون أيام الحصار المرت أعلى الناس ونتو بلا حيا أعلى أجراحنا ترگصون؟
تتذكرون يا جلسة التقرر بيها گطع الزاد عن أهل العراق وماتو المليون؟
وتتذكرون زين شلون چان الحال وكلما نفرج بأحبالها تضیگون
لتحضرون.....
ما نحتاجكم دجلتنة تبقى الخير وبماي الفرات اطفالنا يگيلون
وتظل الكنائس تقرع الاجراس ويظل الاذان ايذكر الينسون
عندنا احنة التمر نقدر نعيش أعليه وعندنا أكبر كنز بالگرنة وبمجنون
ما نحتاجكم يا معشر العربان....
عندنا احنة الامام الاعظم النعمان والگيلاني عندنا وحنبل وذنون
عندنا كربلاء وعندنا سامرة وعندنا أحنة النجف بيها الفتى المدفون
وعندنا احنة الجبال وبصرة السياب وهم عندنا نفط منريد منكم عون
لتحضرون...
رد مع اقتباس