الدين يفتح ل الله باب..
الدين يفتح ل الله باب..
الدين ما يفتح مدينه بحجة
الاسلام ويفجر الشباب..
الدين ميحط الله حجه وسبب
حتى بأسمه اخلي لكل
فعل شرع وجواب
الدين ما يقتل معارض
لا يطم بنيه ما تلبس حجاب
الدين يؤمن بالرأي وبالانقلاب
والله ميغثه حوار..
والله للتفكير مو بس للثواب..
واني علموني الفتح عصر ازدهار
اني علموني
سبي النسوان والجزيه انتصار
واليحدد خلقي ويه الناس ديني
المثلي اخوي
الضدي كافر ملحد وتاليته نار..
ومدري ليش من البدايه..
ما فهمنه الدين غايه
الدين للمظلوم غايه
الدين للمخنوك غايه
الدين للمحروم غايه
الدين والاسلام مو معناها رايه
درسوني الدين تاريخ ومعارك
واحفظ ايه وفسر ايه
وابد مافهموني مره
الدين ضحكات ونوايا
علموني الدرب واحد
والطريق ل الله واحد
كمت اكره كل معارض
كمت اكره كل دوائر الاختلاف
وصرت اومن بالحدود وبالزوايا
قنعوني الفتح ما يعني احتلال
احنه نفتح ديره لاجل الازدهار
لاجل نشر الدين والحق والهدايه
ومو مهم نغتصب كاع..
ولا مهم الأطفال تاكلها الشظايا
مو مهم الديره لو تنزف ضحايا
مو مهم الوالي يرجع..
تسحل بظهره السبايا..
مو مهم
الفكر يعرى
ونرجع نطم النثايا
بس مهم
اللحيه تكبر
والبنيه بعمر عشر سنين..
ندفنها بعبايه
.
.
.
ادهم عادل
رد مع اقتباس