ماكو داعي
ماكو داعي نظل بعد نتناك يالحزنك وصل حد النواعي
ماكو داعي يهادن الفلاح لو جار الاكطاعي
راح أجوي الروح لو حنت بعد .. وتوسلت للمايراعي
وأرد أدوس عله الجروح الحملتها بغير داعي
ساهرت ليل الجفه عيوني عله بيبانك تراعي
وانت لا صبحك طلع لا مزنه منك روت كاعي
كلها منك .. لوعتي ...وضيمي... وضياعي
مبعد وكلما امد أيدي ألك تكصر ذراعي
واني مركب شوك مكسور الضلع وبلايه راعي
لا تجرني بحجيك المعسول وتدس سم أفاعي
اسلوب المراوغ وضحكات الجذب ماهن أطباعي
لملمت جويات كلبي وجبرت كسري بأضلاعي
وجيت أداعي بدية المكتول مكتول العشك ألمن يداعي؟
ومن يحس بحسرتي.. وهمي ...واوجاعي
باجر أحرك كل مكاتيب الهوى عله الروح
لو ذكرت الساعي
أرد أحد من لوعتي وفرط أندفاعي
ماكو داعي
رد مع اقتباس
