اجمل صديق
قصيدة وهي في رثاء صديق عزيز عليه
قتلته ايدي الغدر..........
وهو في ريعان شبابه.............
حسبنا الله ونعم الوكيل
مو هين غيابـــك يارفيق الروح
شوف فراكَك النه شسوه بينه
عليله كَلوبنه صبح ومسيه تنوح
نزف دم الجفن والحسره تجوينه
حسبنه حساب كلشي وما حسبنه يروح
نجمك من وكــــــــــــــــــــــت ودع ليالينا
اذا تحمل بعدنه وراضي عنه تروح
ما نحمل غيابــــــــــك انت تدرينه
نزف بيتك مرار بغيبتك مجروح
وعليك دموع هلت كل حياطينه
غيابك مو جرح خنجر ملانه جروح
الم بعدك لوانه وكَــــــــطع ايدينه
عطشنه لماي شوفك وبسمانه تلوح
سحابك هلبت يمــــــــــــطر ويروينه
ذبل بعدك وردنه شبي عطر ويفوح
من وردك ذبــــــــــل وتيبس بطينه
اريد احجي بصراحه وبصدر مفتوح
ما اخاف شيفيد الخوف مــــــلينه
البرئ بيا زمان يموت مـــــذبوح
ويا دين الرسوله يشيل سجينه
اذا الأسلام حلل والقتل مسموح
من حقه اليحبك يكفر بـــــــــدينه
رد مع اقتباس
