واخجل مااكلك كافــــي ارحمني
جي محبوبي انته واغلى كل الناس
اسد حلكي بوجودك وارضه تضلمني
العشك كالوا مشاعر تنشره وتنباع
وغصب عنهم احبك وانته ترفضني
مثل سم الحيايه أتخيلك ويــــــاي
يطش روحه بوريدي ويبدي يكتلني
يشل اعضاي كلهه حبك المجنون
مثل فرحه يتيم بلعبه يحضنـــــي
تعال وخلي اسولف عكبك شصار
ولو خايف اسولف تضحك تذلــني
اضل ساكت لان مليان دمعــــات
وخاف احجي وافزز جرح متهني
على نيتي قريت الممحي ويـاك
طبق جاهز اجيتك ليش تاكلــني
عذب صوتي مثل مايعزف النــاي
تجي انته بصدى الميتين تخنكني
وطن كلبي طلبت تحافظ علــيه
خط احمر كلتلك ليش تحتلنــي
رهن وياك حب الدنيه اكثر صــار
واذا غلطان عكس الكلمه اقنعني
اثبتلي العشك عايش يظل سنين
حتى اثبت لكلبي يكدر يملني
رد مع اقتباس
المشاركة الأصلية كتبت بواسطة زهرة ربيعك ضيعتها
