لهنا ياشعب الزم حدودك عاد , اشعار عراقية 2015
لهنا ياشعب والزم حدودك عاد كفى تسقيط بالناس السياسية
كلش واقفة وما لايقة اصلاً عيب شنو يبوكوكم قابل حرامية
واذا درنا الرميله بحلق شرم الشيخ وإذا نخلة دبي صارت عراقية
شنو الكم فضل على الأوادم تحجون هذا افضال الخدمة الجهادية
الهي بجاه كلمن عنده يمك جاه موسى وعصته ترجعهم علية
اريد البرلمان بشكه شك النيل والناس الي بقلبه يكون ماهيه
اعترفنالك مجاهد هاجرت ضحيت خلي الناس تسمع تشهد علية
كلنالك جهادك تاج فوق الراس مو معناته تلحس المالية
على صخام الوجه على البوك والفرهود على شنو انطيكم ثمانين بالميه
جنابك كنت تاكل بيتزا بتكساس واني سنين يوسف على الرسم بيه
بس أريد أفتهم ماكل فصم وياي شنو بسوق الهرج بائع الزوليه
بعت البيت مفرد باب يلحق باب ؟ حظيت بمكان الباب كونيه ؟
ابنك تكدر ربع تنطيه رايح للدوام بغير يومية ؟؟
هم ملاكي أبوك مدنك وخجلان من يم كصته مكرض الكفيه
طحنت شعير متقرض شكر بكلاص امك راقصة بجية الكمية
اركبك صاحية طلعها وخلي نشوف طفت بيها الجكاير مثل رجليه
شو بالله اذاناتك زين والله موجودات وولد الخايبه صارو فراريه
لو منك احط بكل ركن تمثال وخلق الله تجي تسجدلي يوميه
على كل جنسية عندك روح اخذ برميل لا بل اخذ بير على كل جنسية
كول براحتك كلشي التريده يصير مالومك شفتني خير معبيه
لو عندي شعب خلاكم تقرون اليخدمك قلق عشرة البعثية
للشاعر المبدع نهاد الخيكاني
رد مع اقتباس
المشاركة الأصلية كتبت بواسطة اريج البغدادي
