خدمتي لام الحسن أحرس حدود الوطن
ما أهاب من المحن شيعي وحسين اميري
آنه جندي وحب علي عندي علامه
رضّعوني من المـــهد حب الإمامه
أحذر من القارعة يوم القـــــــــيامه
أدري درب المرتضى درب السلامه
هوايه لدروب ورجال الفــــــكر أكثر
لكن بـﮕلبي الوفي مغروس حـــــيدر
أدري يوم الحشر واﮔف على الكوثر
وأدري قرآن النبي بســــــمه تسطر
وادري حب حسين بآيات الموده
وكل براهين المجد تلـﮕيها عنده
ويكفي خاتم دينها المبعوث جده
وكل ﮔلب يرجه النصر يوﮔف بسده
حسين مدرسته وأرض بس للشجاعه
جبل عزه وللســــــــــمه صار ارتفاعه
والجــــــــــبن والمرجله ياناس ساعه
ولبن آدم بالشدد يوﮔــــــــــــــع قناعه
حسين خط بكربله الخـــارطه الحره
حتى كل ثوري وشهم ميضيع أمره
حسين بالدم الأبي فجَّر الثـــــــوره
اشتره الجنه الخالده من باع نحره
رد مع اقتباس
المشاركة الأصلية كتبت بواسطة اجمل انسانة
