هنا

[علي الشمري]

حضرت المسؤول اريد اسأل سؤال ؟
وانطر اجوابك احر امن الجمر

شنهو ذنب اطفالنه اجوع وتموت
احجي سولف كلي فهمني العذر

حضرت المسؤول كلي ابروح ابوك
هم تحس بالجوع من يعصر عصر

وهم نمت مثل المهجر عالرصيف
اموسد التربان وهدومك حسر

ومطرت الدنيه عليك ابلا شعور
والشوارع كلهه مغموره غمر

وهم عفت كل مالك وجاهك وجيت
وهجروك ابلاسبب وبلا قِصر

احجي اسولف كلي اريد اسمع جواب
وين مذكوره بكتاب ابيا زبر

انته نايم ماتحس بأهل العراق
شنهو صار وشنهو دار ابيا امر

فله عندك والرصيد البلبنوك
والفقير بخربه تلكاه منطمر

ادري ماراح الكه منك كل جواب
انته مالك خلكي ومزاجك عكر

بس افهمك كلمه وحده وارد اكول
باجر الـ الله اشتجاوب بالكبر ؟

(الى كل فقير عراقي اهدي كلماتي البسيطه)

علي الشمري
2015/2/25

[ضـحكة خـجل]

رووووووووعه
دام نبض قلمك المميز......

[علي الشمري]

رووووووووعه
دام نبض قلمك المميز......

شكرا ورده
ربي يسلمج
نورتيني

[رسـيل_^]

رؤؤؤؤؤؤؤؤؤؤؤؤؤؤؤؤؤعه مبدع

[اميرالفتلاوي]

حرف هذاا ام ماذاا ؟لاوخالقي هذا اشبه ب لؤلؤلا منثور
وعبق من اريج ارجوان وزهور دام التميز نسج لاناملك
مذهل حرفك صديقي واخي الغالي

[علي الشمري]

رؤؤؤؤؤؤؤؤؤؤؤؤؤؤؤؤؤعه مبدع

الاروع تواجدك اختي
شكرا

[علي الشمري]

حرف هذاا ام ماذاا ؟لاوخالقي هذا اشبه ب لؤلؤلا منثور
وعبق من اريج ارجوان وزهور دام التميز نسج لاناملك
مذهل حرفك صديقي واخي الغالي

ممنون منك اخي الغالي
امير
اسعدني حضورك
انرتني
شكرا

[هاكان ~]

شكرا لك وعاش قلمك الرائع ......قصيدة جميلة

[علي الشمري]

شكرا لك وعاش قلمك الرائع ......قصيدة جميلة

الاجمل تواجدك
صديقي غاندي
نورتني

[فقار الكرخي]

عاشت ايدك اخويه
كلام شهد