هنا

[سجايا]

السلام عليكماخواني الطيبين ممكن تساعدوني في حل مشكلتي حسابي في الفيس بوك مايفتح الا بحاسبتي ..يعني بغير مكان وبغير حاسبه من اسجل دخول يطلعلي اللنك بهذا الشكل الموضوح في الصورة مقفووووول قفل وعليه اكس .. والمشكله في كل المتصفحات

[Samer]

السلام عليكم

انتي يبدو مفعلة الروابط الآمنة (https) بحسابج بالفيس بوك

الايقونة هذه


اللي تسميها (مقفول) هي ما تعني بالحقيقة مقفول ..بس تعني أنه المتصفح ما تحقق من صلاحية الروابط الامنة (اللي تبدي بـ https) .. و عادة هذه المشكلة تصير بسبب أنه تاريخ الحاسوب اللي تشتغلين عليه ما مضبوط بصورة صحيحة (تاريخ قديم مثلا) ..لذلك المشكلة بالتأكيد مو بحسابج المشكلة بالنظام بالحاسبة الثانية اللي تشتغلين عليها .. المفروض إذا تستخدمين حاسبة ثالثة او تصححين مشكلة الوقت بالحاسبة الثانية (او مهما تكون المشكلة) راح يفتح عندج الفيس بوك بصورة طبيعية

المفروض كذلك .. اي رابط على الحاسبة الثانية يبدي بـ https بيه نفس المشكلة .. جربي تفتحين mail.yahoo.com مثلا

شرحت بصورة اوسع على هذه المشاكل بردودي على هذا الموضوع:

http://www.dorar-aliraq.net/showthread.php?t=46241

تحياتي

[m!s$ sandy]

واني بعد ميفتح عندي الفيس
من دااسجل دخولي يكولي اخرجني من هنا غير آمن
وصار فتره اسبوع تقريبا ميفتح عندي الفيس

[Muntader]

طبعا هالايام الفيسبوك يخربط بسبب تحديثاته المتواصله

ياجماعة حاولوا تدخلون من غير متصفحات .. وهي اكثر شي تخص الروابط الامينه حسب ماموضح سامر

[pretty osa]

اني اصلا سجلت وطفى الكهرب وبعدني مو مكملة ومن اجي اسجل دخول يطلعلي كلمة المرور خطأ مع العلم اني مسجلتهة يمي !!

[Samer]

اللي يحب يتخلص من مشكلة الروابط الامنة .. يكدر يروح على (اعدادات الحساب) بالفيس بوك، من قائمة (امان) يلغي تأشير المربع اللي مكتوب كباله (تصفح الفيس بوك عبر اتصال آمن https)

[Samer]

اني اصلا سجلت وطفى الكهرب وبعدني مو مكملة ومن اجي اسجل دخول يطلعلي كلمة المرور خطأ مع العلم اني مسجلتهة يمي !!

تأكدي من لغة لوحة المفاتيح عربية او انكليزية .. ممكن تكونين عند التسجيل جنتي على النمط العربي بس من ردتي تسجلين دخول النمط جان انكليزي .. او تأكدي أخاف مفتاح الـ Caps Lock اخاف مشتغلة لان كلمة المرور حساسة لحالة الاحرف (الكابتل و السمول الانجليزية) .. و اخيرا .. تكدرين تسوين استعادة لكلمة المرور على الايميل اللي كتبتيه من سجلتي بالفيس بوك ، .. إذا كل هذه المحاولات ما رهمت .. ممكن يكون حسابج ما انخلق اصلا أو انه الايميل غلط .. سجلي من جديد بهذه الحالة

[Muntader]

اني اصلا سجلت وطفى الكهرب وبعدني مو مكملة ومن اجي اسجل دخول يطلعلي كلمة المرور خطأ مع العلم اني مسجلتهة يمي !!

اذاً محتاج تفعيل لحساب الفيسبوك
والتفعيل هو عباره عن رابط تلكينه بداخل الانبوكس الخاص بالايميل اللي سجلتي بيه
انسخيه والصقيه بالمتصفح وروحي عليه مباشرتا راح يتفعل حسابج

[m!s$ sandy]

هسه اني اليوم فتحت الفيس من متصفح الكروم طلعتلي نفس الحاله الي تصير عند دكتوره هاوس بس منطيني اختيار المتابعه ع كل حال تعديتها يله فتح الفيس

[سجايا]

السلام عليكم

انتي يبدو مفعلة الروابط الآمنة (https) بحسابج بالفيس بوك

الايقونة هذه


اللي تسميها (مقفول) هي ما تعني بالحقيقة مقفول ..بس تعني أنه المتصفح ما تحقق من صلاحية الروابط الامنة (اللي تبدي بـ https) .. و عادة هذه المشكلة تصير بسبب أنه تاريخ الحاسوب اللي تشتغلين عليه ما مضبوط بصورة صحيحة (تاريخ قديم مثلا) ..لذلك المشكلة بالتأكيد مو بحسابج المشكلة بالنظام بالحاسبة الثانية اللي تشتغلين عليها .. المفروض إذا تستخدمين حاسبة ثالثة او تصححين مشكلة الوقت بالحاسبة الثانية (او مهما تكون المشكلة) راح يفتح عندج الفيس بوك بصورة طبيعية

المفروض كذلك .. اي رابط على الحاسبة الثانية يبدي بـ https بيه نفس المشكلة .. جربي تفتحين mail.yahoo.com مثلا

شرحت بصورة اوسع على هذه المشاكل بردودي على هذا الموضوع:

http://www.dorar-aliraq.net/showthread.php?t=46241

تحياتي

هم ماحليتلي المشكله سامر ...رحت ورجعت للبيت ونفس الحاله ...

التاريخ والوقت بالحاسبات اللي استخدمتهم مضبوطين ...وجربت افتح الايميل هم نفس الشي مايفتح

ففتحت الياهو ماسنجر ومناك دخلت عالايميل فتح بصورة طبيعيه

زين هو الفيس مايفتح اساسا حتى اخل واعدل السيتنك مالته فبهالحاله شلون ؟؟

هسة هو مو مهم بس ليش صار فجاءه هيجي ؟؟؟