نصحوك وسمعت النصح ريتك
نصحوك وسمعت النصح ريتك
بسّك طمع روح اگعد ابّيتـــك
شايب گاضي وبعكّازك تحوم
عوف الدنيه مو گربت منيتـك
لا تشبع دوه ولاتشبع فلوس
ومن تجـود تتصـدّق باذيتــك
تجي بسيارتك والجام مرفوع
واذا عايز شفت تنسد شهيتك
الفقير يجود من يشوف محتاج
متگلّي ولك شنهـي قضيتـــك
لوتي مسوي حِميه بگولة (الهاك)
بـس(بالجيب) ما تتبــــع حِميتـك
لو تربح جبل من ذهب هم صار
بنظر عينك قليل وسوء نيتــــك
ثقب أسود گمت تبلع مجرات
مو انسان اظن ضاعت هويتك
كل اكلك سحت وتفاخر الناس
ألك بس تفخر بكرشك واليتك
فراشك من حرير وساهر الليل
والهم التشيلــه بكــبر صيتـــك
گلبك جلّطــه الدولار درتــــاح
والسّكر عِلــه وخربت كليتــك
فرحان الوريث معيّـــد اليـــوم
حگّــه وأبـد مـا شايل خطيتك
بس هاليـوم باجـر تلهم تراب
زوع فلوسـك وكل مفاتيحــك
لو دامت الغيرك المثل گـــال
جا دامت ألك دكتب وصيتـك
رد مع اقتباس
المشاركة الأصلية كتبت بواسطة فقار الكرخي
