هنا

[فقار الكرخي]

وگف حته الهوه بريتي ولاشميت
عگب ذيج الولايه المستعز بيهة
احن الهة حنين المات ابنهة بليل
وكت الغروب دمعي النار تچويهة
اذا تذكر اسمهة يطيح مني ايام
الرمادي وگمت اغص بروحي وابچيهة
هلي وخوتي وبعد صحباني والجيران
بعدهم ماتمرني الراحه والگيهة
لمناطقنه الصفت بس ذكرى واشتاگيت
للبيت اليلم كل صفنه طاريهة
لتعاليل الحبايب والفرح والشوگ
الراحت ما اظن ترجع لياليهة
للطفل الحلم نايم بحضن الدار
المهجر صفه يلقبونه تاليهة
يارب افرجهة وانته التعرف بيا حال
لعز ذيج الايام البينه خليهة !!!

[زينب الشامي]

جميله جدا شكرا لك

[علي الشمري]

مؤلمه
عاشت الايادي
وان شاء الله يرجع العراق
مثل ماكان قبل

[غضب الليل]

شكرااا لك
عاشت الايادي

[الطائر الغريب]

انشاء الله تفرج ويرجع كل غريب لاهله وداره يارب

[فقار الكرخي]

منورين