......................
.............................
..............................
ليش دنيانه عكس وي مانريد
وتمشي وي العاف معنى الزينه
لإن طيبتنه جزت معنى الحدود
ولليذلنه مانطخ تدرينه
واحنه نعتب والعتب مدري شيفيد
بلكي نصبر عل الجفه يخلينه
وبينه طبع النخل خاوي ومايطيح
ننطي كلمن يرتجي وينطينه
هيه هاي الدنيه للظالم تروح
طبع بيهَ ماتغير الشينه
وللفقير اتطيحله الحد الرجاب
ومن مرارت مايهم تسكينه
...............
يادنيه ليش العكس وي مانريد ونبي
وظلمج يحز بالكلب ويطلع اثر ونبي
لاوحك رب العرش وكلمن قسم ونبي
وكت اليطيح الاخو خوانه ماشالته
والدنيه ماكف جلب ها علي ماشلته
شلت جلاب الدهر وتكول ماشلته
جا شنهي حل الدهر لو هذا ماشلني
وسهم الشماته يخي بالجسد ماشلني
ولاهمني حمل الوكع, لن حيلي ما شالني
شلتني من صيحت وين أخوتي وين ابي
بقلمي
معكم سيد ضياء الصافي
رد مع اقتباس
المشاركة الأصلية كتبت بواسطة طائر النورس
