هنا

[فقار الكرخي]

بهيده لا ترفع علينا حواجبك
الكون هذا برمته وما عاجبك
أنته طين
وآنه طين
بس فرق مابين ماي ومايتك
أنت مايك صافي وبلون الزلال
وآني مايي بچيحه من صبخايتك
تورطت مره ولچحتك بالوضوء
وشفت چن وجهك تمسحه براحتك
الحايط تخربط رجف مدري شجاه
وگام لمع روحه صار مرايتك
شفت وجهك طلعلي من گفاك
ولاتگلي اتسودنت بحچايتك
وشفت چن قوس القزح بلوانه جاك
وشال روحه ودگهه بمصلايتك
آنه ماشايف بشر ليل ونهار
الليل شعرك والصبح وجناتك
بهيده من تمشي يالمحير الشباب
دوخت دنيا بهذن نظـراتك
شلون گلب امك قبل تطلع لسوگ
انهجم بيت امك وسوگ ولايتك
بس بعد كافي دلع أرحمني عاد
آنه عمي بصايت الله وصايتك

[علي الشمري]

[زينب الشامي]

حلووووووو
عاشت الايادي

[تّـفـاَصيلـٓ]

حَلُؤٌؤٌؤٌؤٌ رًؤٌعّهّ

[فقار الكرخي]

نورتو الكون