هنا

[فونة]

قصيدة لشاب كتبها لحبيبته التي يتمنى مصارحتها...
يقول::

تراب اني صرت ياولفي وانتة الماي
انخبطت انتة بترابي وكونت طيني
احبك حيل احبك بس صعب احجي وياك
وادري انتة تحبني وماتحاجيني
كضيناها بسكوت وعين تخزر عين..
وبس نضرات بيك مخلص سنيني...
من اصد عليك اشوفك تخجل وتحتار
ونضراتك بكلبي سهام ترميني
اكضي الليل اسهر كلة افكر بيك..
حسبة تجيبني...وحسبة توديني
ساعة انساك اكولن ساعة اكولن لا
ساعة تحبني اشوفك ساعة تجفيني
صارحتك بعيني وكتلك انة اهواك...
بس لساني مايكدر يحجيني
اكضي الليل احضر شحجي من كلمات
وشيجيب الصبح واقذف براكيني..
واذا جاني الصبح شو انسة حجي الليل..
مو انة السبب عينك تنسيني
من طبع العدو من يسبي- يسبي اعداه
بس انتة حبيبي وانتة سابيني
العين بلاجدل تطفيها ذرة تراب..
وانتة شكبرك وشلتك وسط عيني..

[ابابيل]

قصيدة روعة الف شكر للمشاركة

[فونة]

شكرا ابابيل..نورت
يسلمو ع التقيم

[علي الشمري]

حلوووووو

[جولين]

حلووو يسلمو

[فونة]

شكرا لمروركم
منورين..