من نلتگي لا تفز
من نلتگي لا تفز
ضل بيه طرك الهدم
ما بيه جرة نفس
بالشبگه گمت انلچم
ما باقي مثل الامس
ذاك العطر من تشم
لا هسه كلش اختلف
شاغلني نگل الجدم
زاعل اشفاي الضحك
ما بيه حيل ابتسم
استخطاني موتي وعشت
عايش فقط بالاسم
لو مره اني افرحت
درن ثدايه القهر
ونوب صوتي خفت
اصياحي صاير همس
شتله ازرعوني بگبر
من عندي رادوا ثمر
مو چنت غالي الثمن
باعوني هسه بفلس
محبوب كلش چنت
يا وسفه هيچي صرت
معلوم راح انتظر
خليني دوم انتظر
الله ما يكطع ابد
الله رب الكرم
هو الكطع بالبشر ...؟؟؟
ظافر المالكي
رد مع اقتباس
