هنا

[فقار الكرخي]

هوسات بحق المتطوعين الطائعين لامر المرجعيه الرشيدة
قول الاب
*****
بوسام الشهاده يبنــــي رد للدار
ماأبجي عليك وحق علي الكرار
ألك فرحان بويه هذا يوم الثـــار
حقّي أتباهه بنصرك
عاكّرهه الركبه
*************
قول الام
*******
عينــك ماتنــام أعرفــه لاتغفه
سبع وبن أمَّه مايخشاهه للكلفه
أبد مايوم جفَّك صافح الوسفه
بزودك يمَّه بزودك
داعش تلويهه
*************
يمه روح وأخذ الروح يبني هاك
كَلبــــي بيك يفرح من تعلّي لواك
ترجـــــع بالشهاده لو نصر ويَّاك
أبني وزين أمربَّه
وأعرف ترباتي
*************
قول الاخت
********
يبن أمي العزيز الستر بجفوفك
أخوي وغيرة العباس بوصوفك
روح وداعت الله وياك ماعوفك
أدعي وأنخه الغيره
العندك تحميني
**********
أنه ماريد داعش تجي وتسبينـــي
وأنه الطولك يخويه ناذره سنيني
ماريدن زمان الغدر يلوينـــــــي
بجالك والله بجالك
فرحانه ظنوني
**********
يموالـــي علـــي المايقبل العيله
روح وأخــذ سيفه وعدَل الميله
لأعراض الوطن وترابه أوفيله
أسحك راس الداعش
هوَّه وأعوانه
**********
كبالك ســــــور جنَّه أمفتَّح البيبان
عقيده عندك أدري وثابت الايمان
والله الما يلحّك بيـك ظـل خسران
أمعلي الرايه بأيدك
وتكّر عيوني

[زلال الصافي]

عاشت ايدك ياورده
يستاهلون النشامه البطال
شكرا جزيلا لك اخي العزيز
تقيمي

[الريم]

الله ينصرهم ويحميهم
شكراً لك

[هاكان ~]

شكرا لك على الهوسات الحلوة

[علي الشمري]

حلوووووو
عاشت الايادي فقوري

[فقار الكرخي]

منورين