هنا

[بهلول الرشيد]

شكرا على الطرح
لكن لو تفصل بين المواضيع افضل ليتسنى المتابعه بصوره اجمل واسهل شكرا اخي مره الخ

شكرا لك اخ ماجد وحول عرض الموضوع الى شجري فتراه منفصلا كل على حده
تحياتي الك

[بهلول الرشيد]

ياام التعب والظيم الله ايساعد احوالج
عراقيه وشريفه انتي وماعاش المأذيج
كل واحد يحب ياذيك من فدوه يروح
لنعالج
علي وياج

[بيارق القلوب]

عاشت الايادي
شكرا على المجهود المبذول
تحياتي بيارق القلوب

[prïnċë häïdër]

والله يا اخي تمنيت ما اشوف هاي الصوره
ع العموم تسلم ع الطرح
تحياتي يا طيب

[بهلول الرشيد]

امي
شوكي اعليج حاير بيش المه


احط اسمج ابكلبي او انحني اعليه


حته اوي النفس كل يوم اشمه


ماعندي مكان اوين اخليج


رسم وجهج احيرن وين اضمه


لغز كلج لغز ياماي العيون


بس مرات لغزج حيل افهمه


اذا كلبي يدك الغيرج انهاه


واذا ماينتهي بضلوعي اعدمه


خيالج صوره حلوه ابكل الالوان


كليلي خيالج وين ارسمه


اذا فوك الضلع الكه الضلع نار


واذا يمج ركض مابيه الزمه


ياليل المحنه امنين احاجيج


ليلج بيه نجمه ابحضن نجمه


اكولن بيج كلمه او تشهد الناس


علي وياج لاتشمتي العدو

[بهلول الرشيد]

لاتبجين

لاتبجين عبراتج منايا ودمعتج سجين
وانا الكلبي بترافة وركة البربين لا تبجين
وانت خدود عندج اترف من الماي
لو طاحت دمعتج تترك انياشين لا تبجين
الي كلب ايتحمل نص عذاب الكون
ما يحمل دمعتج لو تلالي بعين لاتبجين
ياعصفور جنه وشاه نص الليل
يالوعة ندامه وحسرة متيهين لاتبجين
يالسيفج برائه وركبتي الجلاد
وهمومج حنينه وقسوتج عيدين لاتبجين
انه بروحي اشتريتج مو بحال ومال
والكالج عذر مهما علي تجفين
لا تبجين لا تبجين

[zahraa alabide]

عاشت ايدك يا مبدع

[سهوري]

ماكو تعليق بس اردد مايقال

حجنجلي .. بجنجلي
هذا إلك ... هذا إلي

امريكا ما تقبل بعد .. يبقى الوطن سالم يظل
خلي نقسّمه يا ربع
نوزّعه وزير إلك .. وزير إلي
فراش إلك .. فراش إلي
صخله إلك .. نعجه إلي
جبل إلك ... والهور إلي
شيعي إلك .. سني إلي

حجنجلي بجنجلي

البصرة إلك .. وأربيل إلي
النفط إلك .. والغاز إلي
كردي إلك .. عربي إلي

المسيحي والصُبّي شِرد
يبقى الأايزيدي مبتلي
هذا مخطط بايدن .. إللي ما ينفـّذه يبتلي
حجنجلي بجنجلي

[Wasan Alrakabi]

كلنا منافقون نتكلم ونحاول الطعن بهذا المسؤول ووالله ما المسؤول عن هذه الفوضى الا نحن ...... شعب نايم وما يدري.... لو بينا خير كان صرنا مثل مصر من طلع الشعب المليوني وكان طلعنا الدخلاء الجدد من كل الأحزاب وخاصة الدينية الفاشلة..... تحياتي هذا رأي ارجو ان لا تتكلموا على المسؤول احنا الوصلنه وانطيناه شرعية فلازم نسكت ونتحمل.

[بهلول الرشيد]

كلنا منافقون نتكلم ونحاول الطعن بهذا المسؤول ووالله ما المسؤول عن هذه الفوضى الا نحن ...... شعب نايم وما يدري.... لو بينا خير كان صرنا مثل مصر من طلع الشعب المليوني وكان طلعنا الدخلاء الجدد من كل الأحزاب وخاصة الدينية الفاشلة..... تحياتي هذا رأي ارجو ان لا تتكلموا على المسؤول احنا الوصلنه وانطيناه شرعية فلازم نسكت ونتحمل.

واحنه بدورنه نقول علي وياج بس اطلعي ياوسن واخذيني بسدج ياخاله !! واخذيني بسدج ياخاله
هاخوتي ها واخذيني بسدج ياخاله