الليل مـــــا عنده رحم مـايكظي ليش
صار عــــام امناطر ايمرنـــي ضوه
كاعـــــــــد امتاني فجر يلفي ابشمال
جـا اشمــــال الشرجي يكفخني ابهوه
بيه ارحـــم رايد اضحك بلكي اعيش
اشبيك تابعني اشــــــو طِشت النـــوه
وتارس اشكالــــــــي الم يوم الجفيت
امن الثغيب اعليك مــــو كلشي التوه
اتلعثم الساني بعـــــــد ماكمت اصيح
الخرسه وي صوتي اشتميزهن سوه
عمي ارحم كلب واحــــــــد يستغيث
ابجيمه جن الكــــــــــون بيه انه دوه
هيه لحظـــــــه اشبيك ويعود الشباب
ابنظره وحــــــــده اترجع الباد الخوه
او ويه كَطــــرات النده اتمرني دلال
ابفجة الضـــو واصرخ اكليبي ارتوه
قلمي
واثق الكرناوي
رد مع اقتباس
المشاركة الأصلية كتبت بواسطة sawsanmahmoud
