موسم افراگچ شتائي ..
يمه اجينه
خطوة الملگه لهفتچ!
چانت بملگاچ ذكرى تمر علينه….
كلمه وذكرها بحياتي
حتى عرفنها خواتي
موسم افراگچ شتائي ..
هايلمدثره السوالف نبرد اوتتغطه بينه ....
انتي ديوانچ مضايف ، واحنه شاجور المشاكل
بينه حرگه ابكل حچينه……
چنه بالهوسه عراضه ،، تحرك العبرات خدنه
ويسكت ابحظنچ بچينه…..
وانتي لهفه ابكل فرحنه
الله سمه الجنه بسمچ
وآنه أسميچ الحنينه ......
يامسافتنه البريئة ،،الحفروا گبالچ سواتر !
خنگوا الليل ابنفسهم ،،نجمه نجمه تظل حداد ؟
حتى منشوف احنه باچر !
مدري المن بس نعاتب ،،،
وانفجار ابكل زقاق "
كل بشر وارهابي ذاته
ياآلهي… صبر ابگلبي العراق
وأمي تحمل كل صفاته "
كل هواها من الجنوب ،، مثلت بغداد روح
وادري للغربيه دور… .
امي منبعها شمالي
وشايله ابغيرتها هور .....
عفة العذراء فهمها… يعني الله انطاها نور…
ياحكمتك ياآلهي
كلمة الحق چن جهاد
حوبة المظلوم بينه تظل سؤال ؟
هل على الظالم حداد؟
لــ سهير الموسوي
رد مع اقتباس
المشاركة الأصلية كتبت بواسطة قصة حزن
