هواي هنه
لو ردت عنك شسولف؟
ياهي منهن؟
ابتديلك من عتب مولح سماري؟
من اشتهيتك وانته كَمره؟
بديره واحدهم ينث ظلمه اعله وجهي
وانته شمس الله ونهاري
من مشيت ابدرب چانت ذكرياتي اتكَود بيه؟
وبين ضحكة انرسمت بشوفة ظفيره
وبين احبه,,,,وها شكَله؟
وانبكَت سكته وغفيت ابسد قراري
من نسيت العافية بديرة اظنونك
جان ظني اتصوغلي كلمة وتطرز دنيتي وتكشخلي احبك
اشجاب كَلبي
اشجابني
اشدلاني دربك؟
جانت اعيونك دنيتي
ودنيتي جانت ابكَلبك
ماحسبت احلامك السچه وشمس بهتانه لون
تشركَ ابروحي وتغربك
وكَتلي خليها اعله بالك
وما اجت ابّالي بس انته اجيت وطولك اطول من خيالك
جيت اجيسك,,,فزّزتني اوداعة الله
وليلي خانكَني ,,,وصحتلك ليلكم عنّي اشحچالك؟
مادريت,,,,
هذا اني الطشت اعله السلف قصته
الحتّه باحلامه وفالك
هذا اني العاش غربه
وسمّته الوادم يغني
واشتره الموت ابّدالك
ردلي هندس هم اريدك
الديرة من تفكَد نجمهه,,,تعلكَ العشره شمع
رد مع اقتباس
المشاركة الأصلية كتبت بواسطة الزركاني313
