ليل ويه الريل!
القصيده بقلمي
والرد بقلم العملاق حسين الساعدي
------------------------------
جيبه ياريل الموادع والجروح
انته أخذته ولازم اترده الي
هو كال اسبوع وَرجع من أروح
شو خلص عمره ابغربته ومبتلي!
جان يضحك ليش خليته ينوح!
فدوه خَل يرجع هذاكه الأولي
جيبه حتى الورد بَطَل ما يفوح
جيبه لا بالعيد يشمت عاذلي
أنه حاجيت الكمر فوك السطوح
ولو سمعني جان كال إدَللي
هاي بوسه ابسجتك خلهه تروح
توصل الغالي ويشم ريحة هلي
أنه اطلبك ثار وأدعي ابلايا روح
وراح أمشي وأندعي ابحضرة علي
راح أمشي واندعي بحضرة علي
بقلمي مريم
=============
روحي ياريم اندعيلي ابحضرته
روحي وبحضرة علي إذَكريني
مثل ما رَد الشمس وبدعوته
خل يرد الريل أشوفه ابعيني
والغريب امنين يطلب دمعته!
وأنه شو حته الدمع جافيني!
خلصيته ابيوم شالوا سجته
ياقطار المن صدك ناسيني!
روحي كليله الغريب ابغربته
وخذي رسمي وفنج اتعرفيني
أنه غَيرني الزمان ابصفنته
إوشَيباني وباك مني اسنيني
والدرب جامد وتكتل قسوته
والشمس بردانه مَدَفيني
وانتِ يانبض الدليل وطلبته
ما اجيتي ابطيفي وتشوفيني!
كوه نَوَمت الجفن ليلة شته
عود ظنتي ابطيفج اتلاكيني
ما إجيتي وعفتي كلبي ابونته
شنهي صاير بينج إوما بيني!
عمري الِطَشر وصعبه لَمته
عاد مريلي ابحلم لِميني
عاد مريلي ابحلم لميني
الشاعر حسين االساعدي
رد مع اقتباس
المشاركة الأصلية كتبت بواسطة ابابيل
