من هسه وحسبتي احساب للفركَه
مو تدرين اني اوياج روح بروح متعلكَه
يل بشفايفج يحتار جيل التين والرمّان
ما انساج,,,بيّه اعناد بدوي ومنوخذ حكَه
لتوصّين,,لو مر الخريف ابشجره,,
ماتنسه اشيطيّح منهه جم وركَه
لتيتميني,,,شابع فوس
وكل احساس بيّه ايعيش
يستاحش اذا يسمع صدى الصفكَه
تجي اويه اسوالفج كل الغيوم السود
ماتدرين لمّن تنولد كَطره نده ابخدّي
احسهه اتطيح,,,كَطره نار محتركَه
اعذريني الكَمر لوغاب عذره وياه
من تنشف سمه من الضوة الناس اتكَول
من ينباكَ,,,باجر بلعته الحوته
اعذريني يوجه الماي,,,مو تدرين!
لو هيّه قضية حيل,,,جا لاويت
ولو هيّه قضية ناي,,,جا ونّيت
ولو هيّه قضية راي,,,بوب الذلة جاد كَيت
مو بيدي,,,جرف عطشان ويتاني جرف عطشان
جانت بينهن توصل رسايل ماي,,,ومتيهين
بس صار النهر ذكره,,,وجزتنه اسنين
ماطحنه ابخلكَ سفّان
لدكَليلي مامعذور,,,ثكَيلة اعليّه
ثكَل العار من ايصيب
احديثة بيت محتشمه
مو بيدي,,,,النجوم اتغيب
لكَت او مالكَت بالدنيه جف صاعود
ومن اتغيب تترك ليل,,,ماتترك اثر نجمة
رد مع اقتباس
المشاركة الأصلية كتبت بواسطة لول
