عــافــونـي ودعـيت مـن الله يتـذكـرون '
عــافــونـي ودعـيت مـن الله يتـذكـرون '
ذكـرونـــي ودعـيت مـن الله ينسونــي '
مـــن تــواضعـت ذلـتنـي كــل الـنـاس '
ومــن اتكبـرت عـالــراس خـلــونـــي '
أبـيض مـن صرت كرهـونـي كره الـشيب '
صـرت اسود مثلـهم وحشـي سمـونــي '
حـچـيت الهـم صدگ رجمـوني مثل بليس '
بــس مـن چـذبـت جـبـريـل سـمـونـي '
گـلـب الشعـره ابيـض عـوف سـر الليـل '
ويــن الگالـي وادم مـايـصبغـونـــــي '
الـيلگـه بـوجهـي شامه شما يريد انطيه '
مـدري شلـون طلـعت شـامـه بعيونـي '
نــــاطـيهـم وجــه بــي تحلـم مرايـات '
ونــاطينـي ظـهر بـــي تـحلم متـونـي '
اضــوج مــن السـواد وأحـترم عـاشـور '
ركـــز مـوكـب اسـود تـلگـه بعيونــي '
عـله اعناد الكـره ألا ابقى خوش انسـان '
والا اكتب غـزل عل الجاي يــهجــونــي'
احــلى ايـامـي خلصـن بالرحـم والـبير '
أطلـــع مـاردت مـجـبور طلـعـونـــي '
ضــعت بلكي الله گلت بحاجتي يحسون '
نـسونـي وبست اديـهم حتـى يلگـوني '
مــاعيش ويـه عـالـم مـاتـمـوت ويـاي '
مـثـل مـاجيت وحـدي لـوحدي خـلوني '
الـعمـر شيــعوضه بـچـادر ثلث تــيام '
اذا هابــيل يــرجع مــاتـرجعــونـــي '
بـچـيت شـگـد عـليكـم وانتم تضحكون '
بلمـــغيسل رجـــاءً لا تـضحـكـونـي '
الـسحـگ فـوگـي بـعد لايرفع التابوت '
مــا أغـفـى اعلـه مـتن الكسر متوني '
الهجوني وضحكو گوه اعله ظهري سنون'
اذا امـوت بحـرف مـاريـد يـرثــونـي '
المـسحو صورتي ورسموني بالرجلين '
اعلـه حـايـطهم رجــاءً لا يـصلبـونــي '
الياخـذ غيبه يـاكـل صاحبه مـن ايجوع '
انـطيكـم ضـهـر بـس لا تــــأذونــي '
وانــه شلّـي ابضهر صحبانه جوعانين '
اذا ماكـفـه ضـهري لو جهي گـلبوني '
جعت بس مادنت نفسي اعله ضهر خيال'
بريــئ الهسه اتاني يطلعن سنونــي '
ضعفت مو من فقر بس ردت اصير بخور'
بعـد منـا ورايـح لا تعــــزمــونــي '
شگد وززع وقت بس ظل ضعيف الميل'
بس كفوني شركم لا تدوخوني'
اشبـع واقـتنـع بمــلوحت الـــدخــان '
واشـرب ماي نيتي الصافي بظـنوني '
من گد الترس فاض اعله خدي الشوف '
يغـرگ مـن يفوت الطـيف بـعيونــي '
للمبدع احمد المطوري"
رد مع اقتباس
المشاركة الأصلية كتبت بواسطة فقار الكرخي
