الملم روحي يفلانه
وأصير الخاطرج ورده
وأصير لخاطرج شامه
وأصير الخاطرج ( يفلانه ) خزامه
وألبسيني شحلاة الكاع ..
لولبست وردها ولو تباهت بيهه
احضنيني ...
احضنيني ..
شحلاة السيف لويحضن جرح راعيهه
ولج يفلانه عد عينج
والج يفلانه طشيني
رماد .. وحنظل .. وخرنوب
طشيني ..
وتلكيني ..
أجيج بضحكة الجاهل حضن حالوب
واعشب ..... لو نشف بشفافج الحالوب
.................................... وأذوب
وارد انشدج ياتوالي الروح !!..
لوذاب اليحب العشك هم يذوب
اشحلات العشك الما يجفل من الموت
اشحلات اليوكف بوجه الدهر ويفوت
وحك عينج .. وحك عينج
وحك أعيون المسافر
وحك حس الربابة اليجبر الخاطر
لدكن دكه.. مادكها كبلي بنادم بعمره
................ وأصير لخاطرج كمره
وأجيب من الشمس يحبيبه ألج حمره
وخلي الصوت عند الوادم الوادم
بخناجر طيب .. واحد كتل لوامه
وأصير الخاطرج وردة
وأصير الخاطرج شامه
وأصير الخاطرج يفلانه خزامه
تنيت !! وارد أردود ........ أو مامش
تمنيت ..!! وصاحت الوادم ولك مامش
صبرت .. والصبر سد باب الفرج
وكلت ميخالف : اليحب يتحارش بالدهر حرشه
وعين الحلفت عله الليل .. عيب أتغمض الغبشه
وأحس .. !! ........ يالبعيده بروحي حنيه
......................................... ولاجيه !!
ولاحته برفيف النوم ألمعت يفلانه ترجيه
أروح وياج يفلانه لعد سابع سمه من الظيم
..................................... أروحن غيم
انكط عالورد لونزفت أجروحه ..
وغرك كل المحبين
واشك زيجي وصيحن حيل ..
واصرخ بنص الطوايف ..
انه اصرخ :
أوداعة الله وياك يالعايف رفيجك
.............................يارفيجي .
وداعة الله وياك يمضيع طريجك
...........................ياطريجي
وشنهو وردة ؟
وشنهو شامه ؟
وشنهو خزامه يخايب !
اليحب مره يتعلم ..
رد مع اقتباس
المشاركة الأصلية كتبت بواسطة محمد ألعبادي
