بهت خلكي وطفت بعيوني الولايات
وعله جدمي العتيك الشارع استفحل
تيهت الدرب همسه ابوسط جيﻻت
وانه الجنت اباوع بالعيون اندل
راعيهه عمر وستغربتني الشات
سمار اجروحي مدري الناي التبدل
ماي وشمي ماضل بالوجه بصمات
بايد رمشي كد ماعكبك اتبلل
امنصد الروحي اصوفر وجه المرايات
الخريف ابخدي عايش عيشت امدلل
مو ذاك الي تكشخ بيه فراشات
يم عاكول احط روحي اطلع امبهذل
موشغله عطش بالغصن شغله ذات
عكب جف الفلح حزمه ابنهر يذبل
وينك يالجنت تختارلي النسمات
ريتي اخىﻻف ذوقك كلشي ماتقبل
الوج اعليك لوجه سر الحديثات
ﻻاندل وجي وﻻ ادري وين اسأل
يفي مرطوب ضهر الله اعله راسي يبات
يطلسم هور سافر بيه جم منجل
انه اول كبر شايل شخص مامات
وانه اول نبي بﻻت يتغزل
من اذكر وقار اعيونك الحلوات
مدري اليامحطه احلامي تترجل
رد مع اقتباس
المشاركة الأصلية كتبت بواسطة وردتنا
