هنا

[فقار الكرخي]

انته شفاف وترف جكليت بيــــــــك
والسمــــــار البيك معجون بــــعسل
وحتى غصن البان من طولك يغـار
عـــرف لون شفايفك ورد وخــــجل
وراح اوصف طولك بشعري البسيط
بلكي اتوفق وأجي بوصفي عــــــدل
انتي يــا ناكة حسن من يا ديــــــــار
حله لو بغداد لو أرض الكــــــــــفل
حمره لون خدودج وبيهن سمـــــــار
وعفيه ركبه الدوخت حتى الطـــــفل
وبعد ما انزل وصف يا ناس اخــاف
خاف لا اوصـــــــل مراحل واشتعل
خلي ناخذ يسره يمنه ونعوف العذاب
عمي وجدانك حـــلو يكتل كــــــتل
وأنت اعذرني يا غالي ب هالسؤال
شلون شايل هالزند مـــــــا ينـحمل
وهسه عدينه الخطر صرنه بأمــان
خل نسولف عالخصر وبلا خجـــل
أنت عندك خصر جن ركَبت غزال
ومنين اجيب أمثال حيرت المـــثل
اني ما احجي بعد ماضل كـــــلام
شوف خطواتك ملن كـــــلبي علل
ولو صبح بيه مرض عــاند يطيب
هاي رجلينك ترجعلي الأمــــــــل



فقار الكرخي

[علي الشمري]

حلو حلو حلو
عاشت ايدك
مبدع
استمر ياصديقي

[Heaven]

الله رووعات
عاشت ايدك
تقييمي

[المرقب]

ياسلام عليك

قليل بحقك التقييم

احسنت فعلا ً

[سمراء من قوم عيسى]

الله الله
عاشت ايدك يا مبدع

[صمت عاشق]

روووعة
شكرا لك

[د. حسن سعيد]

روووووووعة تعيش فقوري

[حہيہدر الہبغہداديہ]

ماأجمل تلك المشاعر التى

خطها لنا قلمك الجميل هنا

لقد كتبت وأبدعت

كم كانت كلماتك رائعه فى معانيها

دائمآ فى صعود للقمه

[زينب الشامي]

حلووو
تسلم الايادي

[ضـحكة خـجل]

الله
مو طبيعي
تسلم فقاروووو...