هنا

[عاشق كربلاء]

گالت احچي عن حياتك
مختلي وحدي بحديقه بيه اشجار وورد
وطيور ملاينه تغرد
اجت گبالي حچت..... ممكن اكعد
گلت طبعا ......شي مؤكد
بعدهه شويه بثواني
گالت ....يسموني اماني
وآني........ سرمد
سعيده ....تشرفنا......... يا سرمد
الشرف كله اليه.......... وآني اسعد
گالت احچي عن حياتك
آني احساسي يگول بيك اهات وتنهد
گلت احچي بليه خوف وبلا تردد؟
گالت احچي بلا تردد اني سامعتك يا سرمد
شحچي آنا عن حياتي
اسمي سرمد.... وسرمد بطبعه خجول
الله يعلم..گلبه طيب..ما يأذي
مو ملاك ولا رسول
شايل هموم وحزن بس يكمل
يجري دمعه وتصير امطار وسيول
تخلي حاسد.... بيه..... يشمت
وتفرح..... حاقد...... عذول
قصته محصوره بمثل ..... والمثل هذا يگول
هاي دنيا وال گلبه طيب غير حسره..... ما ينول
شحچي آنا عن حياتي
كلهه اهات وعبر
چان دربي درب اخضر
ودربي الاخضر بلحظه وحده
صار عثرات وحفر
شحچي آنا عن حياتي
احچي عن گلبي الچبير گلب صافي
اول ما حب انكسر
احچي عن خلي التركني
خله دمعاتي مطر
تريديني احچي
عن شجوني؟...عن حنيني؟
عن گلب سنتين حبني وبعدهه فجاءه اعتذر
شحچي آنا عن حياتي
چان ساكن وسط گلبي ... وحبه يوميه يزيد
چان اسمه احله كلمه ...واعذب موسيقى ونشيد
بمره وحده رحل هاجر....صار گلبه من حديد
عاف اهله وعاف ناسه...وسافر لديره...بعيد
گلبي يترجى يسمعهه... وعيوني منتظره البريد
صرت تايه وسط صحرا....وفكري تعبان وشريد
والله لو ادري الدموع .. تگدر ترجعلي الفقيد
لأبچي انه بحور عالم...لكن احچيهه بصراحه
البچي ؟.....دومه يعذب..
بس يتعب ما يفيد
تريديني احچي بعد؟ ....تريديني احچي وازيد؟
امشي بدروب الشجن...امشي واتعثر واطيح
بس يمر اسمه عليه...ابچي اتعذب واصيح
گاعد بغرفه وحيدي....نايم بفراشي طريح
احلم بطيفه يمرني.... شويه من همي يزيح
عمري ما اعرف اچذب....اني بكل كلمه صريح
چان اسمي قبل حالم...واليوم يسموني الجريح

[Ali Ibrahim]

شكرا لك .. ينقل لقسم الشعر الشعبي

[علي الشمري]

حلوووو
واحلى شي المقطع الاخير
عاشت الايادي صديقي

[عاشق كربلاء]

شكرا لك .. ينقل لقسم الشعر الشعبي

كل الشكر لكـِ ولهذا المرور الجميل

الله يعطيكـِ العافيه يارب
خالص مودتى لكـِ

وتقبل ودي واحترامي

[قصة حزن]

جمييييل جدا

[الملاذ الاخير]

شكرااااااااا لك اخي
رؤؤؤؤعة بروعة موضوعك

[عاشق كربلاء]

حلوووو
واحلى شي المقطع الاخير
عاشت الايادي صديقي

تـوآجدك الرائــع ونــظره منك لموآضيعي هو الأبداعبــنفسه ..

يــســعدني ويــشرفني مروورك الحاار وردك وكلمااتك
الأرووع
لاعــدمت الطلــّـه الـعطرهـ

[عاشق كربلاء]

شكرااااااااا لك اخي
رؤؤؤؤعة بروعة موضوعك

اسعد الله قلبكـِ وامتعه بالخير دوماً
أسعدني كثيرا مروركِـ وتعطيركـِ هذه الصفحه
وردكـِ المفعم بالحب والعطاء
تــ ح ــياتيـ لكــِ
كل الود والتقدير
دمتِ برضى من الرح ــمن
لكِ خالص احترامي

[زينب الشامي]

حلوو
عاشت الايادي

[عاشق كربلاء]

جمييييل جدا

شكرا على المرور العطر تحياتي