رافكتك خلك عاكول
لجمهن يركص بروحي..
وتوازة اعل شم الآه..
رفكة ماي جاريت النده بطرواك..
وتسرسح عباية طيف..
... وتغطه اعل ريح شتاك
يتمشه اعل جفني الطير...
وديت الحلم للغير..مافك ياخه مني جفاك
جمدوب الكصب بردان
ونه بوجهي مضيف انسان
مافز اعل صيت الشيخ..
فز اعل الغنه الملموم.
وحفنة هموم
وحجايات (صفنة نوم)
كلشي ولااشوفك جاي
طبع الناي جيتك وآنه ضيجة صوت
ماعايز حزنّه هواي..
رافكتك خلك عاكول
بس بوجه جوري ابيض..
ورافكتك سهر مشلول..
بس بوجه صبره انفض
...
علساعة يطيح شوفي المنتجي اعل الدوم..
ما ملجوم منّك بس اشم فراك
وي كل غبشه بيه يحوم
اتوجه اعل طيف العام...والمّن شكو من التسعين
ظل بجيب حزني المالكاله الثام
وفزلك جنّي ركصة ماي من يسمع غنه الخضرة
وغنّيلك يتيم هواي ...(زفّو عيني للكمرة)
ولامندوم,,,
انه لخاطر غبشتك راح اعذره الليل
م
رد مع اقتباس
