هذا حبكم ..؟؟
هذا حبكم ..؟؟
صوت وينادي الرحيل ....
اني قابل بالنتيجة ماخسرت الا القليل ....
المهم باقي بكياني ...مااطخ راس الزماني .
..عندي روح التنتفضلي ...ترفض الحب الذليل ...
هذا حبكم....
ينزف ويلجم قصايد......تنسج حروفه كلايد
تبقى تذكار بركبتي
توبة..مكطوع السبيل
اني قابل بالنتيجة... ماخسرت الا القليل
هذا حبكم....؟؟
حب عشك عدكم سكنته... حب معاناةالتنادي
بلايه صوت ....بلايه سكته
حب كلب والكم رهنته
وصار بهواكم...عليل
اني قابل بالنتيجة... ماخسرت الا القليل
هذا حبكم....؟
وابعراضه..راح اهوس..بانتفاضه
راح اكلكم ... هذا حبكم....؟
انا لو انتو الخسرتوا
والوكت... ينطي الدليل
الفرج..مفتاحه دعوه
والصبر ..كالوا جميل
بالزمن ....تفتر دواير
والثبت بيها الاصيل
اني قابل بالنتيجة... ماخسرت الا القليل
هذا حبكم ...هذا حبكم؟؟؟
فايق الكاطع حسن
رد مع اقتباس
