درر العراق

د. حسن سعيد · 15/February/2015

"ميهمني النقد"
ميهمني بعد النقد .
خل عني شيكولون .
شاعر ، طفل ، مجنون ..
يا عدل هذا الذي ،
بي يحكم الظالم .
تتكرم أهل الجهل ،
وينهان بي عالم .
صاحب الحق ينغدر ،
واللي ظلم سالم .
هم عدل هذا يكون ..
ميهمني بعد النقد ،
خل عني شيكولون ،
شاعر طفل مجنون .
جا وينه حق الشعب ،
وين العدالة .
الشعب يعاني الفقر ،
يشكو البطالة .
مسلوب منه الوطن ،
مسروق ماله .
وأبناءه ينقتلون ..
ميهمني بعد النقد ،
خل عني شيكولون ،
شاعر طفل مجنون .
الفاسد يظل بالحكم ،
بأعلى المناصب .
ينتهك حق الشعب ،
وبلا محاسب .
وين الذي يراقبه ،
وبالحق يطالب .
ويطبق القانون ..
ميهمني بعد النقد ،
خل عني شيكولون ،
شاعر طفل مجنون .
عجبني هذا الوكت ،
ما أدري شنهو الصار .
علظلم محد يرد ،
محد يصيح الثار .
أهل الخيانة اعتلت ،
وتسيدت الأشرار .
والناس ما يحجون ..
ميهمني بعد النقد ،
خل عني شيكولون ،
شاعر طفل مجنون .
صوت الضحايا اعتلى ،
وين الزلم الحيود .
التهجم على العدو ،
متبقي ليه وجود .
وتحرر أرض الوطن ،
والحق لأهله يعود .
وللخير ينتقمون ..
ميهمني بعد النقد ،
خل عني شيكولون ،
شاعر طفل مجنون .
مو كافي هذا الصبر ،
يا شعب بسك نوم .
انهض بوجه الظلم ،
لا تبقى ليه محكوم .
اخرس لسان العدى ،
وسكت الطغات اليوم .
لشوكت حتنامون ..
ميهمني بعد النقد ،
خل عني شيكولون ،
شاعر طفل مجنون .
"بقلمي"
حسن سعيد رضا