الك معزوف من تضحك والك حس
الك ذوق شكثر مرهف ولك حس
احبك والله يمعود ولك حس
واذاحسيت بس رمش عليه
الك ارفع علم حبي ورايه
واحذرك لاتحب احدورايه
وحق من انزل القران ايه ورا ايه
اظل اهواك لاخرنفس بيه
اظل اكتب شعرللزين وانشد
واظل اسال عليكم دوم وانشد
واصيرحزام وكت الضيج وانشد
لكل عزيزيسال عليه
اماالمكدر على الفركه ومرها
وليالي الهم تمربيه وامرها
اريداوصل منازلكم وامرها
عزيز وشوفتك تصعب عليه
ابدسهم العشك ملح بي
انه المايحبني ماحبه ملح بي
ولك موتايت بزادي ملح بي
لكمتي بحلكك وتحجي عليه
اموت منسمع اشعارك وبستاك
وانابنص بستان عايش وبستاك
اذكرالعام شفتك وبستاك
الهاي السنه مغمه عليه
ابدمااريدالامس مسرحيتك
وعلي صاراتجاهك مسرحيتك
عليمن وك تمثل مسرحيتك
واناالكاتب نصوص المسرحيه
قلم مايوفي عن شوفك ولاكتاب
ودليلي من العشك شاكي ولك تاب
وحك رب العرش واسمه والكتاب
اشكدمشتاك الكعدتناسويه
الغيرك لاتظن اغلط وناسي
انت الاعز من روحي وناسي
عنك لاتظن غافل وناسي
معزتك بالكلب غصبن عليه
احبك حب ماينوصف وصفه
وحبي مثل ماي الذهب وصفه
عليمن يكتب الدكتوروصفه
اذاخدودك والشفايف صيدليه
يروحي بالوفا للزين شهدي
اناالنحله النحيله وخلص شهدي
حرت غيرالوردللغالي شهدي
الوردبس للورديصلح هديه
لاتظن كلبي على الهجران صامت
وروحي من حزنها عليك صامت
شماخلي جهازي بوضع صامت
يصرخ من تدك انت عليه
روحي وياك ماتكطع وصلهه
تفرح لوخبرمنك وصلهه
تظل نبع المحبه انت واصلهه
وتظل رغم البعد غالي عليه
الك بايع دليلي وانت حربي
يتيم انه بجمالك وانت حربي
افجركلمن يحبك وانتحربي
لان مخصوص حبك بس اليه
عسل مودم اظن ينزف وريدك
وطفل صارالكلب يبجي ويريدك
الك مشتاك يالغالي واريدك
كل لحظه بسنه غيابك عليه
صبرماظل بعدعندي ولاروح
ولك حبك مشى بدمي ولايروح
عساني بمرض مايشفى ولايروح
ااذاانساك يالغالي عليه
ماتكشف على المكشوف بسحار
وعقلي المايحيروياك بس حار
الك وايرعشك ممدودبس حار
ينتلك لوكطعت الوصل بيه
نبيع الروح للينشد علينه
وثوب الوفا لايك بس علينه
وحك عباس والحمزه وعلينه
احب طاريك يلتنشدعليه
كلبي مارغب عكبك
ولاحب
ولافكر يحب غيرك
ولاحب
مريض انه ماريدابره
ولاحب
بس شوفتك تردالروح اليه
اجيت امشي بتوالي الليل واسعه
على ام الشعرالطويل وعيون واسعه
ياحافركبر لهواي بالله عليك وسعه
اريداناوحبيبي نندفن بي سويه
عشكتك من صغرسنك ويهلك
اليحبك ليش يتعذب ويهلك
اغارعليك من تمشي ويااهلك
لجن وياالغريب شلون بيه
اصيرن جفن لاحبابي وظل عين
واظل بالشده واكفلك واظل عين
ست اعظام اكسرلك وظلعين
اسويهن جسرواتمرعليه
منو مثلي حمل لوعات من شال
واخذكلبي عزيزالروح من شال
صفيت اني طريح افراش منشل
بسبب فركاك يلمبعدعليه
صرت شاعربحبك وانت نايم
واسف لوزعجتك وانت نايم
احب ارسل رساله ةانت نايم
يطل الصبح تلكاهه هديه
بعدني وياك بلعشره ولازال
وكلبي مايحب غيرك ولازال
تراني صادك بحجيي ولازال
محبتك بالكلب غصبن عليه
اداوي جروح كلبي من كلامك
بيك الوفا خالص من كلامك
اعرفك انت شنهو من كلامك
تظل انت الوفي وغالي عليه
رماداصبح دليلي منتداري
وعليك الروح تسال منتداري
انابلياك ضايع منتداري
وانابلياك منهو يحن عليه
يغالي الحال بعدك ماله راحه
ودليلي خلاف عينك ماله راحه
وحق عينك يغالي مالي راحه
الراحه وياك من نكعد سويه
يبعدني الوكت عنك واردلك
واحب يوصلني مرسالك واردلك
باقه الروح اقدمهه وردلك
واقدم كلبي للغالي هديه
نص احترك من هجرك ونص طاف
وغرك نصي ابحرحبك ونص طاف
ياريت المدرسه ترجع ونصطاف
وابدلك بالعلم واخذ تحيه
رد مع اقتباس
